رواية غصب عني للكاتبة شوق المشتاق // قطرية كاملة

مهوي : والشله اللي يلعبون 
نوير : ايه صد ق الشباب اذا لعبو موب نازلين لين الفجر 
رنود : انا باروح اللعب معهم لأني بسراحه احب الدبابات وراحت واحنى ورا الستاير اللفي في الصاله نراقب رنود ياحظها وطلعت كانت لابسه بنطلون مع بدي طويل لتحت الركبه ولا مه شعرها في كاب 
رنود : شباب بلعب معكم اذا امكن 
خالد سلطان : وكم عندنا من عمه صغيرونه انتي تامرين امر ياله تعالي اركبي معي 
طلال : موب على كيفك بتركب معي انا 
فواز : لالا اسمحولي لازم تركب مع واحد فنان خوفا على سلامتها 
عزوز مدري عبود : اكيد عشان كذا تركب معي 
وبدو كل واحد يعرض خدماته حوالي نصف ساعه في الاخير خلو القرار لرنود 
رنود : بسراحه مدري 
خالد سلطان : افا ياعمتي تخلين الكبير 
رنود : خلاص باركب مع خالد
وشكل رنود توهقت استحت يوم طلعت على الشباب وشكله رايحه فيها من الاحراج موب متعوده عليهم وما تختلط فيهم دايم عاد انا قلت احسن ليه تروح تحرنا 
وبدو يفحطون ورنود راكبه ورا خالد ومتمسكه فيه وهو يشل على كفرتين كل ذاه وفيه واحد واقف عند بيت الشعر ويطالع بنظرات موب مفهومه كان جسوووم كن الوضع موب عاجبه وبعد ساعه جات رنود 
رنود : بنات ونااااااااااااااااااااسه ياليتكم ماتتغشون كان تستانسون وااااااااااااااااي اقسم بالله وناسه 
مهوي : رنود وجع معزمه تحرينا 
رنود : خلاص بكره با قول لبوي يصرف الشباب عشان ناخذ راحتنا على الدبابات شرايكم 
كلنا : ياليت 
لميوه :بس وين يروحون 
شوي ويجي مشاري وسلمان 
مشاري: ممكن بعد اذنكم نجلس معكم اقصد اجلس انا لأن سلمان بيروح يصلي 
شيخوه : سلمانوه والله لاقول لبوي انك ماخر صلات العشا
سلمان : هي شايفتني ملاك ما انسى 
مشاري : اجلس ولا لا 
لميوه : لا ضف 
مشاري : لميوه ليه احس انج تكرهيني 
لميوه : الحمدالله انك تدري يله ضف 
مشاري : سلمان راح وانا ابيكم في موضوع مهم جدا 
مهوي : انجز وانت واقف 
مشاري : خلوني اجلس وباقول لكم قبل يجي سلمان 
انا : اجلس وخلصنا 
مشاري بعد ماجلس وحط رجل على رجل : باقولكم في الليل لارقدو هلي 
هنود: وليه انشاءلله موب الحين 
مشاري : لسببين واحد لأن سلمان بيجي الحين والثاني لأن الموضوع مهم جدا ويبيله سريه وروقان 
انا " ياربي عسا فارس ماكشفني وش اسوي "
لميوه : خلاص انقلع الحين وتعال في الليل يله ضف 
وراح مشاري بعد ماجاه سلمان وطلعو 
انا : ظنكم فارس مروحه 
مهوي : لا ما اعتقد 
لميوه : وش درا انا اللي قايلين 
هنود :يمكن عمي اللي قايله 
شيخوه : واذ كان يدري وش نسوي 
انا : على كثر المصايب الي اطيح فيها هالمره مدري ليه خايفه 
رنود: وليه تخافين لا تعترفين انه انا الي قايلين لناصر 
لميوه : بنات خلى نروح نتمشى في المزرعه اكيد الشباب داخل لأن برا شوي رطوبه 
الكل: يله 
ونروح نتمشى برا انا وشيخوه ومهوي وندوي بروحنا والباقين مع بعض ونتمشى و نروح للصطبل وقبل ندخل نسمع صوت داخل كان صوت جدي يتكلم مع احد ونوقف نسمع 
قالت : مهوي بصوت واطي : بنات لا يطلع جدي وش بيقول عنى فشله 
انا : اذا طلع بنقول تونا جايين 
شيخوه : اسكتو خلوني اسمع 
جدي : بس انت ليه ماتحبه تراه اخوك 
االشخص : ياجدي ماقدرت اتأقلم معه وبعدين ماينبلع مادانيه 
جدي : انت ما تحبه ولا تغار منه 
الشخص : الله يهديك ياجدي شايفني بنيه 
جدي : ماعندك مبرر ثاني 
الشخص : جدي الله يخليك شف لي حل خله يفارقني 
جدي : عطني سبب يخليك تكرهه
الشخص : اه ياجدي من عرفته ونظراته لي غريبه وكأن فيها استحقار ليه مدري 
جدي : ماسألته 
الشخص : اقولك من اول ماشفته ونظراته ذابحتني وفيها كره الدنيا 
جدي : خافك موهم نفسك انه يكرهك والحقيقه انت اللي تكرهه 
الشخص : لا اقسم بالله اني كنت احبه وماتدري يوم دريت انه اخوي شصار فيني من الوناسه كنت اقول لربعي عنه وكنت مستانس ان لي اخو في نفس عمري تقريبا وكنت افكروافكر شلون بتكون حياتي بعد ما اعرفه لا كن صده لي سبب لي صدمه لأن مافيه شي يخليه يكرهني 
جدي : قلت لبوك يكلمه 
الشخص : ابوي يقول انه انا الغلطان وهوالملاك اللي مستحيل يغلط وانا المتسرع وانا اللي المفروض اكلمه واشوف شفيه 
جدي : ها وكلمته 
الشخص : كلمته ياليتني ما كلمته غسل شراعي توني اقوله انت ليه صادعني و تتعمد تتجاهلني حتى قدام الشباب قال بسراحه انا مادانيك وياليتك موب اخوي ليت ليام ترجع ورا قبل اعرف انك اخوي قلت له طيب ليه وش سويت قال كيفي مابي يكون بيني وبينك غير السلام علكم وعليكم السلام وكل عام وانت بخير في المناسبات شفت شلون انا كريم 
جدي : وش قلت له 
الشخص : وش بعد اقوله عصبت وقلت حتى انا مابيك تصير اخوي وانسا ء انا اخوان 
جدي : ليه يا ولدي 
الشخص : بسراحه كرهته ياجدي 
جدي : ياولدي مالكم الا بعض وعاد الدنيا بتصحيكم 
الشخص : وش اسوي له كلامه جارح انا اللي الكل يحترمني وبخافني ويحبني يجي ابو الشباب يستحقرني بدون ماسوي له شي ليه مدري بس تراياجدي لا ذبحته لا تلوموني لأني معاد احتمل 
جدي : وش ذا الكلام ياوليدي تراه اخوك 
الشخص : لو تدري يا جدي وشو مورطني فيه 
جدي : في ويش مورطك
الشخص : استحي اقولك ياجدي 
جدي : قول وانا ابوك 
مهوي : بنات فيه احد جاي امشو قبل يشوفونا ونروح بسرعه للبيت ونلقا البنات مسوين عصير وقاعدين في غرتنا فوق ونقولهم اللي صار 
انا : بنات من ذا اللي عند جدي 
ندوي : وشذا العبط اللي عندكم هاذ حبيب قلبي فارس 
انا : وش دراس 
شيخوه : ما اذكركم اغبيا من اللي توه شايف اخوه واخوه عله غير فارس 
ندوي : جعل طليل المرض انكانه عله 
شوي ويدق الباب 
رنود : من 
اللي عند الباب : انا مشاري 
ريموه : ليه كم الساعه 
مشاري : 3 الدخل 
مهوي : ادخل

ويدجل مشاري ويجلس 
شيخوه : وش عندك يابوالشباب 
مشاري : بسراحه معي رساله من اخوي فارس لكم كلكم 
انا : "يارب استر " هاه وش قول 
مشاري : يترجاكم فارس و يقول اللي قالت لبوي عن البنت اللي دخلت بيتنا تغير كلامها وتراه يترجاكم تقولون الحقيقه 
انا : ليه شصار 
مشاري : سر ماتقولون لحد 
كلنا : سر
مشاري :مادري ابوي جاء معصب ونادا فارس في غرفته و....وسكت 
انا : شفيك سكت 
مهوي : ظرب فارس صح 
مشاري : ايه بس لاتقولون لفارس اني قلت لكم امانه ترا لا يدري فارس اكيد بيهاوشني 
انا : تطمن موب قايلين بس وش سالفة البنت 
مشاري : مادري ابوي يقول البنت كانت عند فارس في .... وسكت 
انا : شفيك بعد سكت 
مشاري : لا تقولون لحد ترا لا يدري فارس بيهاوشني 
شيخوه : ترا ذليتنا موب قايلين لحد تطمن وحط رقليك ويديك في ميه بارده 
لميوه : وهي صادقه حط في بطنك بطيخه صيفي 
مشاري : كانت عند فارس في غرفته 
ندوي : من اللي كانت عنده 
مشاري : البنت اللي انتو شفتوها 
رنود : واذا ماقدرنا نغير كلامنا
مشاري : امانه رنود كلميه وتفاهمي معه تكفين 
رنود : خلاص عطني رقمه ويعطيها مشاري الرقم وتكلم فارس 
رنود : مساء الخير 
فارس : اهلين من 
رنود : عمتك رندى 
فارس :اهلين امري 
رنود : انت اللي امر 
فارس : انا 
رنود : موب انت مطرش لنا مشاري قلت اختصر واكلمك تقولنا السالفه 
فارس : انتو قلتو لبوي فيه بنت دخلت بيتنا مع الصبح صح 
رنود : ايه 
فارس : ليه 
رنود : وش اللي ليه 
فارس : ليش تكذبون 
رنود : ومن قالك انا نكذب 
فارس : انا 
رنود : وش ذا الثقه 
فارس : بليز بنات تكفون غيرو كلامك 
وبعد ين ترا موب طلال ولد عمكم عشان تساعدونه حتى انا ولد عمكم بليز ساعدوني وغيرو كلامكم 
رنود : تبينا نكذب 
فارس : محشومين من الكذب بس ليه قلتو ان فيه بنت واصلا مافيه بنت جات ولا شي 
رندى تورطت لأنها ماتقدر تقولنا شي لأن مشاري موجود 
رنود : بس احنى ماكذبنا 
فارس : ماقلت كذابين بس اكذبو عشان خاطري انكان لي عندكم خاطر 
رنود : طيب ليه 
فارس : ابد صارت مشكله بسبب البنت الي تقولون انكم شفتوها وعشان كذا ابيكم تغيرون كلامكم وعشان تنحل المشكله 
رنود : خلاص باقول للبنات ويرد لك اوكي 
فارس : او كي بس ياليت ماتتأخرين 
رنود : مشاري ضف عشان لازم نفكر بعمق 
مشاري : اوكي وطلع 
انا : بنات ضميري يأنبني واحس بندم واحس اني اكبر ظالمه 
هنود : ممكن تنطمين عشان نعرف نفكر اذا امكن يعني 
رنود : وش نسوي وهو شدراه انا نكذب 
شيخوه : خلا نكلم طلال ونقوله شرايكم 
ندوي : وطليل وش دخله 
نوير : وش الحل 
انا : خلاص باقول لعمي بس كيف نغير كلامنا فجئه 
مهوي : قولي انس كنتي فاقده الذاكره والبنت كانت داخله بيتنا 
رنود :لالالا فكره غبيه وبيكشفنا ناصر 
انا : بس لازم اطلع فارس منها واورط طليل 
ويدق فارس 
رنود :هلا فارس 
فارس : اهلين فكرتو 
رنود : ايه
فارس : تكفين قولي انج بتساعديني لأني عن جد في ورطه 
رنود : بس بشرط 
فارس : امري لاتشرطين 
رنود : تقولي وش المشكله اللي انت فيها 
فارس : لا صعبه 
رنود : هاذا شرطي وانت كيفيك 
فارس : بس شرط 
رنود : تعرف المثل اللي يقول طرار ويتشرط 
فارس : اسف بس المشكله شوي خاصه يعني احراج بسراحه ولا اقدر اقولها بس خلاص باكتبها والرسلها لج 
رنود : ووشو شرطك 
فارس : لا بس كنت باقولج يعني سكري اسبيكر وادامج معزمه تحرجيني خلاص عادي باقولكم السالفه 
رنود : لحظه وتكلمنى بصوت واطي شرايكم واشرنا لها مانبي نعرف السالفه وكملت خلاص فارس مانبي نعرف السالفه بس ماعندنا طريقه نقنع ناصر 
فارس : انتي بس قولي لبوي اذا جات فرصه انج مع الصبح الساعه 5كنتي عندنا تبين تاخذين مني رقم اختي سحر
رنود : فارس بايخه ومكشوفه 
فارس : خلاص قولي انج جايه تاخذين أي شي من عندنا 
رنود : الساعه 5 
فارس : خلاص قولي انج جايه ترجعين الاب توب حقي عشانج ماخذته تبي تستخدمينه في أي شي وانا قايلج تردينه في الليل وانتي نسيتي وجبتيه الصبح شرايج 
رنود : خلاص اذا جاء ابوك بنقوله 
فارس : بس لا تحسسينه انج تبين تقولين له 
رنود : خلاص بس فيه احد بيتورط اذا انت طلعت منها 
فارس : ااااالا ليه تبون احد يتورط 
رنود : لا بس اسأل 
فا رس: ودي اسأل 
رنود : اسأل وش عندك 
فارس : انتو ليه تطيعون كلام طلال 
رنود : ليه وش سوينا له 
فارس : يعني مخترعين البنت اللي دخلت في بيتنا عشان خاطر عيونه
رنود : ومن قالك 
فارس: طلال 
رنود : يكذب وبعدين موب يبي يورطك ليه يقولك انه هواللي قايلنا هذا غبي 
فارس : وشدراج ان طلال مورطني 
رنود : ااا موب انت تقول انك تورطت 
فارس : انا اقول اني تورطت ماقلت طلال ورطني 
رنود : عادي انا اتوقع انك 24 ساعه تتهاوشون وكل واحد يورط الثاني 
فارس : شدعوه مبين علينا 
رنود : يعني 
فارس : ماعلينا بس حاولي تقولين لبوي قبل نطلع من المزرعه 
رنود : وليه قبل نطلع من المزرعه 
فارس: اااها مادري بس ها المشكله مرتبط في المشكله لوله يعني لازم اقولج السالفه الاولى عشان تعرفين السالفه الثانيه 
رنود : خلاص باي 
فارس : مشكورين وباي 
واذن الفجر وصلينى ورقدنا وقعدتنا الساعه 11 صبح بعد جهود من البقره شيخوه قعدت وافطرت و تقهويت والساعه 12 قعدت جدتي البنات يصلون وقعدو كلهم وبعد كذا تغدينا وجلسنى في الصاله لأن الجو كان شوي حار ونجلس نسولف شوي ويدخل علينا جاسم وجا سيده وباس راس رنود وطلع وكلنا مستغربين وشوي جا ء عمي سلطان وباس راس رنود وراح واحنى مستغربين بعد وبعد شوي جاء عمي ناصر وباس راس رنود عاد احنى مسكناه نبي ندري وش السالفه 
رنود : ترا ذا راسي موب الحجر الاسود عندكم خبر
ناصر : صدق زين قلتي لي 
رنود : ناصر صدق وش السالفه 
ناصر : ابد هاذ ابوي الله يسلمس يلعب معنى ورقه وهد حيلنا بألوامر والله اني شاك في ذا الشايب شكله يغش كل شوي فايز ولا مره خسر 
رنود : الله يهدي ابوي مالقا الاراسي 
ناصر : طالعو هاذي احمدي ربس اني شخصيا حاب راسس مالت عليس انتي وياراسس 
شيخوه : خبله احد حاصله عمي ابو الا عمي تبيني اسميك ابو طلال ولا ابو فارس 
عمي : عادي الا تبين عادي فارس او طلال 
شيخوه : خلاص اسميك ابو فارس احسن من طليل 
عمي : ليتني ادري ليه ما دانون طلال 
انا : ماينهضم مادري ليه 
عمي : حرام عليكم ترا طلول حبوب والله 
ندوي : الله يخليه لك بس فارس احسن فرق اليوم عن امس
عمي : اللي يريحكم يله بااي 
وراح وجاء العصر وصدر جدي الشباب كلهم راحو يلعبون كوره في ارض مقابله المزرعه قريبه من المزرعه مابقى الاجدي وعمي فيصل جلس يغسل الخيول امره جدي وطلعنا وعند الدبابات 
انا : جدي فديتك تعال الركب معي لفه والردك 
جدي : لا والله مالي في لعب في ذي ماحبها 
مهوي : ماتحبها ولاتخاف منها اعترف جدي 
جدي : لا تخليني اتهور 
شيخوه : امانه جدي اللعب معنى 
جدي : بلعب معكم 
كلنا : هيااااااااااااااااااا
جدي : خلوني اكمل بلعب معكم لعبة زانه 
كلنا : وشي 
جدي : مدري ورقه واللي يفوز يأمر على الخسران 
ريموه : زانه ياجدي 
جدي : أي والله زانه كديت العيال اليوم خليت كلشي نضيف
هنوده : جدي امانه اللعب معنى 
جدي : لا باروح اشوف فويصل نضف الخيول صح ولا لا 
رنود : امانه يبه قل تم 
جدي : كم رنوده عندي تم 
رنود : يله اركب معي نوصلك للخيول 
ويركب جدي ورا رنود ثم كلنا مسوين مسيره وراها لين وصلنى الاصطبل ونزلنا جدي ورحنى نتساق وتفحيط ووناساه وتونا نقحص الا ولميوه تصارخ هي طبعا راكبه على بانشي 
لميوه وهي تصيح : بنات ما وقف مادري وشفيه 
وكان البانشي مسرع سيده ما يلف ابد وكلنا وراها 
انا :حاولي 
مهوي : لفي حاولي 
شيخوه : نطي وخليه 
رنود:نطي 
لميوه وهي تبكي بشكل هستيري لأ ن البانشي متجه لزرع وبعد الزرع فيه جدول : ما قدر نادو ابوي 
وراحت ريموه تنادي عمي فيصل اللي في الاصطبل يعني في اخر الدنيا 
والبانشي مسرع واحنى وراه على الدبابات بس ماقدرنا نلحقه لأنه سريع وتدخل في الزرع وتطلع وتدخل في الجدول وتطلع ولميوه تصيح وتبكي وتنادي ابوها طبعا البانشي يمشي سيد ما يلف لين وصل البوابه اللي كانت مسكره والبانشي يمشي 300 مسرع ونجلس نصارخ لأن لميوه بتصدم في البوابه وقال ضميري ( خلاص اغسلي يدس من بنت عمس اكيد بتفطس نفس خلود الي في مسلسل يو م اخر مات وهوعلى دباب كيف لميوه عاد على بانشي )
انا :جعلك المرض موب وقته 
والبنات يصارخون ويبكون لأن لميوه وصلت البواب وخلص ماباقي عليها الا مترين تقريبا وتنفتح وكان مجود داخل وتدعمه لميوه بلبانشي لا طاير وطلعت برا المزرعه وضارب مجود في البوابه والدمه متناثر على البوابه وعلى الارض " بسراحه كان منظر صعب كتابته او وصفه " 

؟؟؟؟؟؟؟؟؟؟؟؟؟؟؟؟؟؟؟؟؟
شنو تتوقعون صار

بسم الله الرحمن الرحيم 
الجزء العاشر من روايه غصب عني
الفصل الثالث من غياب ضميري

ماباقي عليها الا مترين تقريبا وتنفتح وكان مجود داخل وتدعمه لميوه بلبانشي لا طاير وطلعت برا المزرعه وضارب مجود في البوابه والدمه متناثر على البوابه وعلى الارض " بسراحه كان منظر صعب كتابته او وصفه " ورحنى نركض لمجود اللي مغمى عليه ورنود بغت تجيها جلطه كانت تصارخ وتضم مجود بشكل هستيري وصل عمي فيصل وجدي الي بغى يغمى عليه يوم شاف مجود وبعد شوي الحريم كلهم طلعو وجاء خالد ولد عمي سلطان لأنه دكتور وعلىطول مرته شافته راحت ركض تجيب عباياتنا موب حبنا فينا بس خايفه زوجها يشوفنا وشوي وقعد مجود وبدى يتبسم ويقول من اللي دعمني وتضمه رنود وهي تبكي بشكل هستيري واحنى بدينا نصيح من شكل رنود ماتوقعنها لها الدرجه تخاف على مجود اللي جلس يهديها وشوي ويدخل عمي جاسم وشال لميوه وكلها دم ودخلها في بيت الشعر ويا خالد الدكتور وكلنا بدينا نبكي ونصيح وامها فقدت اعصابها وبدت تبكي بصوت عالي ولا عمي فيصل ماتوقعته بها الحنيه كان شكله يكسر الخاطر وهوخايف على لميوه اللي كلها جروح وعمي جاسم اول مره ادري انه يحب لميوه كان حالته حاله وبلا يدعي الله انها سليمه والجو كان متوتر مره وبعد شوي قعدت لميوه والغريب هو جاسم ماتوقعته يحب لميوه الى هالدرجه راح ركض وضمها قبل امها وابوها وغطاها بغتره من خالد الدكتور وبعد شوي نادو خالد الدكتور عشان طلال مدري ذاه بعد شفيه كانت لميوه تبكي طول الوقت صار لها ساعه وهي تبكي 
عمي فيصل : لموش حبيبتي شي يعورس 
لميوه وهي تبكي ومن بين شهقاتها : لا 
ام لميوه : ها شفيس حبيبتي ليه تبكين 
لميوه بنفس الحال : مافيني شي 
جاسم : لموش ادري شفيها
ام لميا وابوها وجدي : شفيها 
جاسم ببتسامه : انحرجت من الشباب 
فيصل : بس ياعمري عادي ذولا اخوانس 
جاسم : بعدين انتي طلعتي غصب عنس صح 
لميوه وهي تبكي وشهقات والوجه احمر وتضم ابوها وتقعد تصيح 
اما مجود يد من رضه ورجله مجروحه جرح عود من البانشي وشوي كدمات ورقبته شوي تعوره كانت جدتي جالسه عنده وطلعت حنان الدنيا في مجود اللي كان مستانس مدري وش سر الا لوناسه ولا بتسامه اللي ما فارقت وجه من او ل ما قعد وبعد كذا جاو الشباب ودخلنا ولميوه شله ابوها ودخلها هي تعرف تمشي بس ابوها موب هاين عليه والساعه 10 رجعت المياه لمجاريها الحريم في الدكه والبزران منتشرين في المزرعه والرجاجيل جالسين يشوون واحنى في الصاله لميوه بعد ماهدت ماكان فيهاجروح كثير بس يدها من رضه من عند كفها وركبتها من جرحه وشوي مشوخ منتشره ورضات وبعد ماروقت 
انا : هالميوه قولي من اول ماطلعتي من البوابه شصار 
لميوه : احرااااااااااااج وقعدت تبكي 
مهوي : الحين تبكين صار 4 ساعات تصيحين عشان العيال شافوس عادي انا طحت في حضن عبد المجيد 
شيخوه : عادي وانا عيال الجيران الثلاثه ولا بكيت ولا حتى طراني ابكي 
ريموه: صح شوفي عياااال الجيران لا وذابحه ابوهم وعادي وانتي بلا عيال عمانس وذبحتي نفسس 
انا : صح حتنى كل يوم طايحه في حضن طلال وعااااااادي 
لميوه من بين شهقاتها : والله اني منحرجه تخيلو كل الشباب واقفين كلهم احررررااج وبدت تبكي 
هنود : الحمد لله عادي 
نوير: لميوه اذكرس تقولين ماتبين تصيرين رومنسيه وحساسه ولا تبين تبكين على أي شي شفيس غيرتي رايس 
لميوه وهي تبكي : وش اسوي طبعي كذا 
رنود : خلي منا الدلع الزايد وقولي لنا وش صار 
لميوه وهي تمسح دموعها وتحاول ماتبكي : بعد ما صدمت مجودي طلعت بسرعه ماتتخيلونها وكان البانشي متجه لشباب واللي وقفو مفتحين ثميهم اكيد يقولو من ذي اللي ماتستحي على وجهها اللي طالعه ولا مسويه لنا اعتبار وكانو واقفين في الملعب اللي هم مسوينه وكان اقرب واحد طلال لأنه كان حارس والبانشي كان متجه لسيارة عمي نايف وبعدين طلال لاحظ اني ابكي واصيح اوقفه موب راضي يوقف وتم طلال مكانه لين مر عليه البانشي وتعلق وركب معي وجاو الشباب ركض وقالي طلال نطي وقلت لا ماقدر وشلني وقطني وطحت على بطني وكان بيغمى علي وتو طلال بينط الا وصادم في السياره وانا تجمعو علي اشباب كنت اتمنى جسوم يكون معهم عشان يبعدني عنهم بس ماكان معهم واغمى علي موب من الالم 
كلنا : وش منه 
لميوه وهي تبكي : من الاحراج قسم بالله احرج عاد يوم دخلت بيت الشعر كان الدكتور خالد وتجلس تبكي 
شيخوه : عادي خالد اخوي وين المشكله يعني لونه غيره كان عادي 
لميوه وهي تبكي : ليته غيره كان ما نحرجت منه لا والي قاهرني ابوي ماهان عليه يجيب عبايتي وامي بعد حرام عليه قعدت اصيح من الاحراج و خالد على باله ركبنتي تعورني وجالس يسويلي مساج لين تصدق فيني جاسم بغتره اتغشى بها والله احرااااااااااااااج 
انا : لميوه ماشفتي شكل جسوم كان خايف عليس اكثر من اهلس 
لميوه : تصدقون يابنات احيانا احسدكم ان عندكم اخوان كبار بس اذا تذكرت جسوم استانس لأنه كنه اخوي موب عمي صح مايبين انه يحبنى بس هوحبوب 
انا : مالت عليس تحسديني على خويلد اخوي اخذيه مالت عليه
المهم الساعه 12 تعشينا 
لميوه : بنات شصار على طلال 
انا : احسن يارب جاه شلل رباعي 
مهوي : يستاهل من عمايله 
لميوه : تكفون دقو على سلمان خله يقولنا شصار عليه 
شيخوه : والله ماخذه في نفسس مقلب والله مايعطيس سلمانوه وجه 
لميوه : دقو على مشاري 
انا : خلاص وادق على مشاري ويجي 
مشاري : شلونج لميا والله خفت عليج 
انا : واظح اشوفك كل شي جاي تاسأل 
مشاري : والله اني كنت خايف عليها بس خفت اجي اسأل عن لمياء وتفشلني لأنها ماتحبني او ماتهضمني 
لميو ه: حرام عليك مشاري انا ماحبك 
مشاري : دايم تفشليني واذ جيت وجلست معكم احسج ماتبيني 
لميوه : حرام عليك مشاري والله امزح معك ماتوقعتك كذا حساس 
ندوى: مشاري اخوك فارس مثلك حساس 
مشاري : مبعد جات مناسبه عشان اكتشف هو حساس ولا لا الا انتو شفيكم مناديني 
مهوي : طلال وش صار له 
مشاري : ايه صدم في السياره وانكسرت يده وراح للمستشفى وتوه بيجي بعد شوي 
لميوه : بس يده 
مشاري : ماقال الا يده وشوي جروح 
رنود : ومجودي وش اخباره 
مشاري : مافيه الا العافيه هذاك يلعب مع جدي اوامر على قولت جدي سما المجد اوامر 
انا : ابوك عصب عشان طلال 
مشاري : اصلاا مبعد جاء ولا يدري عن شي 
شيخوه : ليه وينه 
مشاري : راح لشركه وبيجي الحين 
وراح مشاري وبعد نصف الساعه جا عمي ناصر يطمن على لميوه بعد ما مر على مجود 
عمي بببتسامه: اف لميوه لعنت موقف احراااج 
لميوه : حرام عليك ماتمنيت على الله انسى وتجلس تبكي وعمي ناصر ميت ضحك وكل شوي يذكرها 
لميوه وهي تبكي : والله لا قول لجدي 
عمي : خلاص عاد كل شي ولا ابوي لميوه عاد ي ولا احراج ولا شي بلا عيال عمانس يعني اخوانس 
لميوه : عمي انا اسفه 
عمي : الله على الادب تعتذر لي وانا الغلطان 
لميوه : لا عمي انا غلطانه عشان طلال 
عمي وهو يطالعني بنظرات غريبه كنها ماره علي : ياسلام تعتذرين لي عشان طلال وهو الي جايس ومساعدس صبحان الله 
فيه ناس يتعمدون ****ون خيره ولايطريهم يعتذرون حتى لو بلغلط 
انا : وش قصدك عمي ترا ويقاطعني ادري وعارف غصب عنس 
المهم جلسنى نسولف وشيخوه ورنود يسولفون عن فارس عشان ننفذ الخطه اللي اتفقنا عليه مع فارس 
كان عمي واظح انه قاط اذنه لأنهم يتكلمون عن فارس وبدت رنود تقول القصه 
وقالت : شيخوه رحت الرجع الاب توب لفارس مع الصبح 
شيخوه : اذكره يقول رديه في الليل
رنود : ايه نسيت ورديته مع الصبح الساعه خمس 
وينط عمي ناصر 
عمي : انتي اللي كنتي عندنا قبل امس مع الصبح 
رنود : ايه ليه 
عمي : وانتي ياليلى ما كنتي تدري عن رنود 
انا : قلت لك كنت عند خوالي واول ما جيت رحت لبتنا 
عمي : رندى ليه كنتي ماخذه الاب توب 
رندى : ولدك ذا عله محد عنده برنامج فوتوشوب غيره ويالله عطاني الاب توب وقالي ارجعه في الليل عاد انا نسيت ورجعته مع الصبح بس ليه احسك تغيرت 
عمي : ما فيه شي وطلع وهو معصب 
رنود : بنات يارب مايصير شي انا خايفه 
مهوي : وش بيصير وبعدين صار لنا اسبوع ماعندنا الاعمي ناصر وعياله 
انا : خلاص طليل وخذا نصيبه وانكسرت يده وفارس وساعدناه بس تدرون بنات انا الحين تطمنت انا على الاقل قدرنا نساعد فارس 
شيخوه : والله لو سامعينه وهو يشكي لجدي رحمتوه 
ريموه : يا بعد عمري يا حبيب اختي 
شوي ونسع صوت جدي عالي وهو يهاوش و نطل من ورا الستاره وشفنا الرجاجيل والشباب كلهم برا بيت الشعر وجدي يهاوش عمي ناصر وكلهم شكلهم يهوشون عمي ناصر 
انا : رنود روحي شوفي و شصاير 
رنود : وكي وراحت وبعد ربع ساعه رجعت 
رنود وهي شوي وتبكي : بنات ناصر ظرب طلال 
كلنا انصدمنا:ليش 
رنود : يقول مجود ان نا صر طلع من عندنا وهو معصب واول مادخل بيت الشعر الا وطلال جاي من المستشفى وعلى طول ظربه كف وبدى يصارخ عليه وطلال كان من صدم ما يدري وشو مسوي وناصر كان يبي يقول شي كل شوي يصارخ ويقول خلوني اعلمكم بس جدي سكته وبد يصارخ عليه اما طلال طلع من المزرعه ومعه فواز بس الغريب كان الشباب يحاولون يبعدون عمي عن طلال وكان فارس واقف ويطالعهم الى درجه ان نايف لاحظ عليه شوي فرح والحين انا اشعر بذنب يابنات ابي كلم فارس اسأله وش دخل كلامي لأن عمي ماعصب الا يوم سمع كلامي 
انا : خلاص كلميه 
وتكلم رنود فارس 
فارس اهلين : باحلى عمه في الدنيا 
رنود : فارس بليز ممكن افهم 
فارس : انشاءلله بس وش تبين تفهمين 
رنود : ليه ناصر ظرب طلال 
فارس : لأن طلال كذاب 
رنود : وليه كذاب 
فارس : عاد لا تستعبطون موب متفق وياكم تورطوني وتألفون لبوي قصه ابوي درا انه يكذب وأدبه 
رنود : انا كل يوم اقولك ما تفقنا مع طلال 
فارس : اسف اقصد هو التفق مع نفسه يورطني وكلاها أي استفسارات ثانيه 
رنود : خلاص باي وسكرت 
انا : هياااااااااا بنات باموت من الوناسه تحققت امياتي وانتقمت من طليل وطلعنا ويافارس برائه 
رنود : حتى يا ليلوه احنى كنا بننتقم بس موب بذ الطريقه ناصر اهانه قدام اهلي كلهم تخيلو انفسكم مكانه 
وهي قالت حطو انفسكم مكانه وعلى طول تآثرنا صدق احراج وقهر وش بيكون شعوره 
المهم الساعه 3 جانا مجود 
مجود : تخيلو يابنات ناصر زعلاااااان عل الاخر 
انا : ليه يظرب طلال ويزعل 
مجود: اظاهر ندم وبعد جدي عطاه ذيك المحاضره بس هو الحين استانس شوي 
لميوه : ليه 
مجود : جاء طلال وعاادي ولا كن شي صار واعتذر من عمي ناصر وجلس والكل مستغرب لأنهم كانو يقولون ان طلال بيسافر او موب جاي للبيت اكيد بيروح لخوله لأنه دلوع وناعم لكن طلال جاء وقال عادي انا استاهل وجلس عادي والكل موب مصدق 
انا : وعمي ناصر وش سوا 
مجود: يسوي نفسه انه عادي عنده جا طلال ولا راح بس واظح عليه الوناسه 
هنوده: وطلال الحين جالس معهم 
مجود : لا راح يرقد لأنه تعبان وراح يرقد معه فواز لأنه 24 معه 
وبعد كذا راح مجود واحنى كملنا السهره والساعه 5 كان الجو حلو فاقررنا نواصل لين نروح للبيت لأنا اليوم بروح للبيت وطلعنى ولكل كان راقد الا احنى ورحنى نتمشى ونشوف مكان الحادث ونتمشى و تجي ريموه وتقول انها تسمع صوت في بيت الشعر يمكن احد من الشباب قاعد مارقد 
ونروح ونلبس عباياتنا وشيالنا ونرجع ونروح ورا بيت الشعر نتسمع وكنه يكلم في مبايل 
ونسمع : ياخي ذولا موب بنات عم ذولا موب بنات عندهم حقد موب طبيعي 
والله ما بالغ لوتشو ف المصايب اللي يسوونها 
أي موب قصدهم 
تخيل يا منصور مشكلين عصابه ويا فارس 
انت ماتفهم اقولك يسوو اشيا غريبه 
يعني في ذمتك فيه وحده تدخل عليك في غرفتك لا وجايبه معها قميص نوم وش بتقول لوكانت هاذي بنت عمك الموت شوي فيها 
ياخي غريبه ها لالالالا ماتحبني مستحيل 
ياخي هاذي ارهابيه

اجل تنتقم مني وانا اللي ساكت على جرايمها 
تدري اخر شي كنت اتوقعه انها تساعد فارس لالالا ياشيخ 
وبعدين القهر ان اللي معها كلهم دجاج ماعندهم شخصيه أي شي تسويه يسوونه معها القهر ان عمتي اللي استانست يوم عرفتها اه يامنصور نفسي اعرف ليه يفضلون فارس عني 
والله ما قد اذيت احد اصلاا ماعرفهم الا من العطله اللي طافت وبعدين عمتي ليه معهم اصلا ليه تكرهني انا وش سويت ياخي خلها على الله 
تدري وش بسوي بابيعها والفيديو اللي عندي يومها في غرقتي باعطيه عمي 
بس وش بيقول عنها عمي 
موب خايف عليه بس مادري احس اني لازم مااجرحها 
وحتى لو جرحتني مايهون علي 
ها لالا 
بس تبي الصدق والله اني احسهم خواتي كلهم 
ياخي حتى وانا احر خويلد ونوافوه بخواتهم احس اني مالي داعي 
ايه 
ايه 
بس انت تدري لو منت مثل اخوي كان مستحيل اقولك اسرار خاصه 
بس انا بني ادم احتاج لحد اشكيله 
وامي اللي فيها كافيها ولا ابي ازيد عليها و ابوي مايداني يسمع مني كلمه والحين عاد خلاص طحت من عينه وش تبيني اسوي قسم بالله تعبت 
من 
ياخي احسها مجرمه ها البنيه مع ان شكلها يقول غير كذا 
انزين صدقت انها جايه تنتقم وشذا المصيبه اللي وبتوديني ورا الشمس 
وش الخدامه ياخي الخدامه هي اللي ملعونه جاتني تقول بتسويلي مساج وبعدين متلاحض انهم يتجسسون علي في غرفتي في ذمتك من اللي بيسوي كذا لا وتصورني 
مدري تقول ماعندها شي 
بس اخاف مسويه مثلي ومخليته للأوقات الحرجه 
في الطقاق عادوشني مسوي مع الخدامه بس الخدامه تسوي لي مساج وهم فهمو غلط 
ايه 
يمكن ارتباكي خلاهم يشكون اني اسوي شي غلط لكن انا ارتبكت يوم دخلو اما الخدامه الثانيه الرتبكت لنها متفقه مع الي عندي على شي وبعدين شفت حقارتهم ليه صوروني واصلا ليه يتجسسون علي وافرض اني ابدل او أني اسوي أي شي خاص يعني قلت ادب 
لونهم بنات عمك ها شفت وش قلت عاد انا وش اسوي 
ايه بس ليه 
ياخي انا ماعرفهم ما عرف الا اشكالهم بعد اغلط 
حتى امي يكرهوهنا ليه مدري 
والله ماسووت لهم شي 
سالت وماعطوني سبب مقنع 
اوكي خلاص باي 
وسكر واحنى دزينا داخل 
مهوي : شفتو الحقير قاعد يعلم باسرار البيت 
شيخوه : لا وبألاسم 
رنود : يا حرام يابنات اشعر بذنب حسبي الله عليكم خلتوني اطيح من عينه ياحرام سمعتو وش يقول عني 
ندوى : قلعته وبعدين هاذي اعماله 
رنود : شرايكم نعتذر منه وتنسون كل شي شرايكم 
انا : هاذا اللي ناقص وبعدين احنى ماغلطنا عليه 
رنود: انا بعتذر منه احس بند م لأني عمه فاشله مع الاسف 
مهوي : الله وش ذا المثاليه اللي نزلت عليس فاجئه 
رنود : باروح الرقد اصرف لي وراحت هي ولميوه ونوير وهنود اما انا وشيخوه ومهوي وريموه وندوي رحنى نتمشى في المزرعه وبعدين رحنى للصطبل حق الخيول وجلسنى عند كيرلي و نشوف خيل طلال توه شاريه عذاااااب يجنن اسو دمرررره يهبل شوي و نسمع صوت احد جاي واحنى ماعلينا عبايات وننخش مع اتبن ونسكر الباب ويدخل طلال وكانت يده مجبصه وفيه مشوخ وواضح عليه الارهاق بس كان حلو بذات شعره يجنن كان لابس برمود ه وبلوفر وكاب مفتوح من فوق وجوتي سبور وجاء لخيله وطلعه يغسله 
ندوي : بنات كن طلال احلى من فارس 
انا : الا احلى حبيه بعد 
ندوي : شقالولس مشفوحه 
مهوي : اسكتولا ينتبه لنا 
شيخوه : والله ندوي صادقه مدري شفيه طالع اليوم حلو 
ريمو ه : هاذا هو من عرفته ماتغير 
ورجع طلال ورجع الخيل في مكانه شوي ويدخل فارس 
فارس ونظراته كلها استخفاف : صباح الخير 
طلال بدون نفس : صباح النور
فارس : شلونك بعد فشيلت البارح 
طلال : بخير 
فارس : وخدك شلونه بعد الكف 
طلال : بخير 
فارس : ترا هاذ بداية الخير عشان تعرف تحترم اسيادك ياحلو 
طلال : جاي عشان تقول كذا بس 
فارس : حرام احد يطمن علىاخوه من بعد مالعن خيره ابوي قدام اهلي كلهم 
طلال : لا موب حرام والحمد الله انا بألف خير أي خدمه 
فارس : ااا ايه 
طلال : خير 
فارس : ودي امر عليك امر
طلال : خير 
فارس : خلني افكر شوي 
ويطلع طلال ويخليه وهو طالع مسكه فارس من يده الي تعوره وسحبه بقوه لين طاح طلال ووقف قدامه فارس وقام طلال 
فارس : انا خلصت كلامي 
طلال : موب مضطر اسمعك لين تخلص 
فارس : غصب عليك تسمعني لين اخلص 
طلال : فارس وش قصتك وش تبي مني 
فارس : فاضي وطفشان قلت اتسلى معك عندك مشكله 
طلال : فارس لا تخليني العن خيرك احسن لك فارقني 
فارس بستخفاف وهو يطالع يد طلال: لا خفت انا 
طلال : الحمد الله انك خفت وخر عني خلني اروح 
فارس : اول شي قل بعد اذنك ياعمي فارس وتاج راسي 
طلال : وخر وبطل حركات البزران 
وكل ما لف طلال من جهه جاء قدامه فارس 
فارس : قل اول بعدين روح 
طلال : موب فاضي للعبط اللي عندك 
فارس : اذا كنت تبي احرق وجهك الحلو واشوهه مثل صدرك ماعندي مشكل الا صدرك وشلونه بعد الحريق 
طلال وهو معصب : قل انك جاي تهاوش وخلصني 
فارس : بسراحه ما جاني النوم قلت الروح لخوي الغالي يونسني ولا انا غلطان 
طلال : لا منت غلطان بس انا مالي خلق اتهاوش وياك 
فارس : اصبرخلني احسب 2مممم3مم6مممم7 اعتقد 10 مرات نتهاوش ولا مره ظربتني ياقوي 
طلال : فارس فارقني احسن لك 
فارس : يسحب جاكيت طلال ويطل داخل : اشوف مكان الحريق 
ويدزه طلال بيدوحد لان يده الثانيه مجبصه : فارس للمره الاخيره اقولك فارقني 
فارس : خلاص لا تعصب بس قل اللي قلت لك وانجو بنفسك ولا اعيد عليك ترا عندي الحزام الاسود في اتيكوندو والكراتيه واموووووت في شي اسمه مصارعه فا احسن لك كلها بلا كلمتين قلهاوريح نفسك من التعب والظرب نصيحت اخ لخوه 
طلال : خلصت 
فارس : لا شوي 
طلال : صدق ماتنعطى وجه 
وجابيروح ومسكه فارس وبدو يتهاوشون وظرب وانواع الدعاوي
ندوى : بنات وش نسوي 
انا : بيخلو ن بعض الحين 
مهوي : بنات دم 
ندوي : عساموب من فارس 
وجلسو يتهاوشون ساعه
مهوي : بكلم بس من 
ريموه : كلمي عمي ناصر 
مهوي زين وتكلم وكان راقد ويالله قعد مهوي قالت عيالك يتهاوشون في الاصطبل وبعد عشر دقايق جاء ودخل وفرقهم عن بعض وكانو كلهم دم واكثر شي طلال لأن فارس صدق قوي مافيه الا شوي جروح اما طلال كان واضح عليه التعب والا لم بس كان مسوي نفسه عادي 
عمي بعصبيه ويطالع طلال : ممكن اعرف وش السالفه 
طلال : اسأل حبيبي قلبك 
فارس : كنت اشوف الخيول وفجائه دخل طلال وبدى يهاوشني ويقول ليه تقول لبوي اني مورطك وبدا يهاوشني ويظربني عاد انا دافعت عن نفسي 
كان يتكلم وطلال منصدم 
عمي : ناصر وهو يطالع طلال بعصبيه ليه تهاوشتو
طلال بحزن : انا اللي كنت اغسل خيلي وجاء وبد يضحك علي لأنك ظربتني البارح وبدى يغلط وتهاوشنى
فارس : تكذب وانت اول من بدى في الظرب ويقولي انا جيت وتسامحت من ابوي عشان العن خيرك بس 
عمي : وانا اقول ليش معني نفسك وجاي تعتذر وموب من طبعك الاعتذار خاصه وانا ظاربك قدام الكل اثرك داهيه ياخساره وانا على بالي مهان عليك زعلي 
طلال : انا ماجيت الاعشان خاطر لأنك كنت زعلان وحبيبك كذاب وهوالغلطان 
عمي ناصر : فارس موب منطبعه الكذب واكيد انت الغلطان
طلال مندهش : يعني جبت جديد اصلا ا ادري انك موب مصدقني مع اني عمري ماكذبت عليك 
عمي : يله اعتذر من اخوك 
طلال بعصيبه : انا ماغلط عشان اعتذر 
عمي : غلط ولا ماغلط اعتذر 
طلال : يبه انا تغاضيت عن ظربك لي امس مع اني ماغلط وخليت كلشي عادي واعتذرت على غلط ما سويته لأنك ابوي اما اني اعتذر من فارس مستحيل حتى لو كنت غلطان 
عمي : وانا قلت بتعتذر له 
طلال : اسف ماقدر 
عمي : انا الغلطان الي مدلعك لين خربتك ولا ني ابوك ولا اعرفك لين تعتذر من اخوك فارس
طلال : يبه تكفى مايهون علي زعلك تكفى اطلب أي شي ثاني الا اني اعتذر من الكلب اللي عند ك
فارس : يبه خلاص انا مسامحه عشان خاطرك ولا تزعل ولو تبيني اعتذرله انا اعتذرت اهم شي لا تزعل 
عمي : هين يا طلال بعلمك شلون تعتذر يله يافارس 
وراح ويا فارس اللي كانت نظراته مليانه فرح وانتصار وراحو اما طلال كان واقف معتنز على الجدار اول ماطلعو وجلس وهو معتنز على الجدار وكان يتألم وماسك يده اللي عليها الجبص اللي تكسر وعنز راسه على الجدار 
انا : بنات العن شكل فارس ماقوى عينه 
شيخوه : شفتو وش سوا 
انا : احسن يستاهل طليل 
مهوي : لا حرام احسه مظلوم 
انا : تلقينها خطه ولا ابوه امس ماسح بكرامه الارض وعادي جاي اليوم ولا كن شي صار
مهوي : يمكنه من النوع المتسامح 
انا : الا كذاب يستاهل ماجاه 
ندوى: بنات شكله يتألم 
انا : بنات شلون نطلع نعست والساعه صارت 8 
شيخوه : وش نسوي نطلع قدامه 
مهوي : لا ولله تنكتين وش بيقول عنا
انا :وهو خلا شي ما قاله 
ندوى : بنات حرام تعبان وش نسوي 
شيخوه : اد ق على خالد يجي للصطبل عشان يعالجه بما انه دكتور
انا : اخاف يكون راقد 
شيخوه : لا هو ما يحب نوم الصبح
انا : وش بتقولين 
شيخوه : باقوله رح وخلاص 
مهوي : تنكتين دوري شي احسن او مقنع 
شيخوه : باقول تعال كيرلي تعبان 
انا : خلاص يالله كلميه 
وتكلم شيخوه :الو صباح الخير خالد بليز روح شوف كيرلي تعبان
امانه 
البارح مريض
ادري انك دكتور بشري 
تكفا خلودي 
ايه 
لا الحين 
امانه 
الله لا يحرمني منك باي 
شيخوه : يقول اوكي بيجي بعد شوي 
انا : بنات نعسانه 
شيخوه : انطمي بيجي خالد الحين 
ندوي : بنات اكتشفت اكتشاف 
كلنا : وشو
ندوي : طلال يجنن مدري ليه توني منتبهه 
انا : اكلي تبن ممكن 
ونسمع صوت برا كان خالد اخوشيخوه ومعه احد وعلى طول طلال سمع الصوت جا صوبنا ودخل معنا عاد احنى انخشينا ورا التبن لأنه كان مكبوب على شكل كوم ورحنا وراه وطلال من صوب الباب دخل وعلى طول دخل وانسدح على التبن واحنى لزمنا الصمت لأنه قريب أي صوت بيسمعنى 
ودخل خالد ومعه وليد طبعا احنى مانشوفهم بس نسمع اصواتهم 
خالد : هاذ كيرلي ما فيه الا العافيه 
وليد : بلاك من دلاختك ولا احد يسمع كلام شيخوه 
خالد : وش اسوي ترجتني وانا ماحب احد يترجاني 
وليد : لا يا الحساس 
خالد : يله نروح حر

وطلعو واحنى تورطنى كان على الا قل نقدر نتكلم اما الحين بس ساكتين 
وشوي وكلم طلال 
طلال : ـــــــــــــــــــــــــ
ويرجع يكلم وبعد عشر دقايق 
طلال : رشود الله يخليك قم 
فواز راقد مايرد 
رشود ترا ماني في حالك 
تعال 
في الاصطبل 
ياخي لاجيت قلت لك تعال 
لا لا مابي احد يدري 
من الي قاعد 
خلاص حاول محد يشوفك وانت جاي 
ايه على سيارتي 
خلاص باي 
وشوي وجا راشد معه فواز واشكالهم توهم قاعدين من النوم
فواز : طلال وينك 
طلال: هني تعال 
راشد : مع التبن لعنبو الدنيا 
ودخلو غرفت الاعلاف 
راشد بصدمه : وش فيك 
فواز : متهاوش مع فارس 
طلال : ايه 
فواز : والله ماخليه باروح الحين والعن خيره ويمسكه راشد فواز: شفيك 
فواز : كم مره يتهاوش مع طلا ل والله ما خليه 
راشد : خلى نشوف وش السالفه 
طلال : ويقولهم السالفه 
فواز : تستاهل ياطلال كم مره قايلك خلني العن خيره وانت خبل شكلك تخاف منه 
طلال : فواز انا موب خايف بس ابوي وبعد ين بيسبب لكم مشاكل يعني وش عذرك ضاربه وجدي بيسوي لنا محاضره 
فواز : ياسلام يعني هو يضربك عاد ي وهو لحد يلمسه 
طلال : انا مابي احد يضربه انا اللي بضربه وبعلمه الادب بس خلني اتعافى شوي 
راشد : الله ****ه وش سوا فيك الحقير 
طلال : شوفت عينك 
فواز : خلاص يله نروح للبيت 
راشد : تقدر تمشي وش يعورك 
طلال : شدعوه اكيد اقدر امشي وبعد ين الخايس يدري يدي تعورني وبدا يضغط عليه 
فواز : وصدرك 
طلال : مايبله بعد يدورالا ماكن اللي تعورني ويضغط عليها 
راشد : الحين وش يعورك 
طلال : مافيني شي بس يله نطلع قبل يقعد احد من الشباب ويشوفني 
ويشل راشد طلال 
طلال : رشود نزلني ما فيني شي 
راشد : خلى ادلعك شوي 
ويطلعون ويركبون في سياره طلال وراحو وطلعنى ونروح للبيت ونلقى جدي جالس في الصاله 
جدي : بعدي اللي مايرقدون لين الظهر " طبعا جدي مايحب احد يواصل لو يدري زعل " 
انا : جدي نلعب اوامر 
جدي : زين يله روحي جيبيها 
ونجيب الورقه وتروح ندوي ترقد وانا وشيخوه فريق وجدي ويا مهوي فريق ونلعب لين الظهر وجدي ويا مهوي كدونا والله ان عمي ناصر صادق شكل ذا الشايب يغش المهم كدونا على الاخر نظفنا البيت و بوسنا الحجر الاسود اقصد راس رنود وهي راقده و سوينا قهوه وبطلنا كل درايش البيت و غسلى سيارت جدي المهم بعد الغدى رحنى لدوحه ووصلنى العصر وعلى طول حطيت راسي ورقدت و ماقعدت الا ثاني يوم الساعه 10 الصبا ح وتذكرت الحفله اليوم ورحت لسوق مع ابوي وشريتلي لبس غير ذاك اللي نفس لبس رنود طبعا خليناها حفله وحده للبنات كلهم وسوينها في القاعه الملكيه وبعد الظهر قعدو البنات وزحمه كل شوي وحده قاطه.......... عندس حلق ولا خاتم المهم ماجات الساعه 6 الا وكلنا في القاعه انا كنت لا بسه فستان بدون كم الى ركبتي جينز وعليه حزام عريض كله كرستال وردي ولا بسه صندل لف وردي ورافعه شعري بتسريحه ناعمه مع ربطه ورديه وحاطه مي كب ناعم 
ندوي لابسه بنطلون سواريه مع بدي وكلها سودا وفاكه شعرها عادي 
ريموه لابسه تنوره الا نصف الساق طبقات فرنسيه برتقالي وزيتي مع بدي هاي نك
مهوي لا بسه تنوره طويله 
شيخوه لابسه فستان لنصف الساق مخمل كحلي 
نوير لابسه بنطلون جينز سواريه مع بدي اسود 
هنوده لابسه تنوره فرنسيه الا اركبه حمرا مع اسو د مع بلوزه لف كت سودا يعني ريانيه 
اما لميوه خطيره لبسها لايشوفها به عمي فيصل ذبحها لا بسه فستان اتحدا روزاليند المكسيكيه تلبسه الى فوق ركبته وظهرها كله طالع ولابسه صندل ارضي لف ومسويه شعرها كيرلي 
اما باقي البنات نسيت ملا بسهم المهم جاو ناس كثير وصديقاتي وصديقات البنات وخوالي وخوالهم وهل جدتي والحفله كانت زحمه على الاخر وكان فيه ديجيه ورقص وماخلينا اغنيه ماشغلناها حتى الواوا رقصنى عليها رقص وكانت وناسه ورقصت انا ومنى وفطوم على سلام الله وقلت للبنات لاحد يرقص معنى وحنى نرقص جات الغثيثه نوف الي انا متهاده معها من ايام الأبتدائيه بس هي صديقت منى مالت عليهم ورقصت معنى قاطه وجها من زين الشيفه وكانت لابسه فستان طويل ذيل واجلس كل شوي اطا فستانها اسوي نفسي ما شفتها ولاعاد عرفت ترقص وانا رايحه اطا فستانها وانا جايه اطا فستانها لين ضاقت ونزلت من ألأستيج ونتهت الغنيه 
وكانت الي بعدها خليلوه ونطو البنات كلهم يرقصون يحبون ها الغنيه مالت عليهم وانا على طول طلعت ما احبها ورحت وخليتهم يغيرونها قلت ابي اغنيت احبه ولا ادري وين اوديه واول ما شغلتها على طول رحت ارقص وهم بغت تجيهم جلطه يبون خليلو ه وجلسو يطالعوني بستحقار وواصله معهم وكلهم واقفين وانا بروحي الي ارقص بسراحه انحرجت وهم جعلهم السكته ماعندهم ذوق وراحت الملعونه خالتي منار وغيرتها وشغلت اغنيت عزاه وبدا الكل يرقص وبعدها وبعدها شغلنا اغنيت جنه جنه طالبتها شيخوه ولاخلت بنت قبيحه ولاشينه ولا دبيه ما جابتها ترقص معها طبع مانقت هاألأشكال لأعشان تطلع بينهم ملاك وبدويرقصون وشيخوه طالعه قمر وصط القبيحات ورشيقه وصط الدبات ونتهت اغنيه وشيخوه مستانسه حدها من المدح الي جاها وبعدها شغلنا اغنيت الي بقصر تنوره وما جلست بنت تنورتها قصيره ما رقصت واولهم الحقيره المكسيكيه لميوه وبعدها اغنيت شسويبه عاد انا اموت على ها الغنيه وحافضهه طريقت الرقصه وعلى طول رحت ارقص وكنت اجنن نعومه وحلوه ورقصي احلى ومغطيه على كل البنات الي يرقصون معي وجات الحقيره رنود ورقصت معنى وهي رقصت منا وانا طلعت منا عشان ما تخرب علي لأنها احلى مني مالت عليها ...ونقطع قلبي ابي ارقص على الاغنيه بس الحقيره ما طلعت لين خلصت الغنيه ..ألمهم كل هاذا واختي ندوي مدري وينها أكيد انها جالسه تضبط الحريم الي عيالهم حلوين جعلها المرض بتفضحني على اخر عمري ...ألمهم رحت انا اجيب ألسي دي الي انا جامعه فيه كل الأغاني الحلوه والي انا احبها وكل بنت حاطه فيه اغنيه تحبها ..وشوفو ألأغاني ..
شيخوه ......اغنيت موضي وكلها طيران كنها طقاقه 
ندوي ذابحتها الرومنسيه ...اغنيت كل القصايد تقابلني اذا احد رقص عليها 
نوير ....اغنيت انا الشاكي ...
ريموه .... اغنيت معجبه 
لميوه .... مسويه زحمه بغنيت شاكيرا تبي ترقص ديسكو عليها 
بينقدون عليها العجز
مهوي ....اغنيت هلي لاتحرموني منه 
هنود ....اغنيت من قال لانها تحبها حب موب طبيعي في كل المناسبات تسمعها مدر ليه يمكن تتفائل بها مثل الارقام التفائل والتشائم 
رنود .....ماحطيت لها شي عشانها كانت تبي خليلو ه وانا ماحب هاذي الغنيه وعيت ولاحطيت لها شي 
وخالتي منار ...حطيت لها اغنيت اوعدني وقول انشاء الله عشاني ادري هي ويش كثر تحب ها الغنيه تقول انها تذكرها بشي ولاقالتلي ويش هاذا الشي ؟؟؟؟؟؟
أنا ....حطيت اغنيت جو اشقر فديته بتحبني ولاكلام وحطيت بعد شائعات 
المهم وانا رايحه اجيب السيدي عشان اشغله وفي الطريق لقيت وحده حقيره من صديقات لميوه لابسه مثل لبسي جعلها الجلطه وكانت توها جايه وجالسه تسوي شعرها عند المنضر الي عليه شنطتي الي فيها السي دي ولاشعورين انطلقت وخذيت قلاص عصير فرش فراولا عشان ماينغسل بسرعه ورحت ابي اكبه عليها واسوي نفسي موب قصدي قبل تدخل الصاله ويشوفها احد لابسه نفس لبسي الي كان عليها حلو لأن جسمها حلو بس وجهها مايساعد كنه وجه قرد وشعرها عرده لاعنه خيره بسشوار بس ما نفع فيه المهم خذيت العصير ورحت لها لقيتها توها بتطلع لصاله واجي بكل ما اتيت من قوه وسرعه كني دبابه واكب عليها العصير واحاول اني اوقف بس ماقدرت وادعمها موب ودي لينها طايحه وطاح الكاس مني على راسها وكان فيه شوي عصير ونكب على اعردتها وبغت تجيها سكته وجلست تبكي من القهر وانا سويت نفسي بريئه وانه موبقصدي وجلست اتئسف وبسراحه كسرت خاطري بس احسن ليه تلبس مثليى ألمهم البنت نادت لميوه وقالتلهاعن السالفه أني تعمتها موب قصدي ولميوه كانت تطالعني بنضرات شاكه فيني وحطيت رجلي وجلست اتسمع لهم وقالت انها اصلن جايه عشان تبارك لها على النجاح وبتروح لئنها مستعجله "كل ها الكشخه ماخلت شي ماحطته في وجها والشعر الي هاريته بسشوار الي يشوفها يقول ذي ماره على ثلاث صالونات قبل تجي هاذا كله وهي جايه مستعجله لونها بطول ويش بتسوي وراحت مع لميوه وهي تتحلطم
تقول بدلع وميوعه :اول مره اشوف بنت تمشي بكل ها السرعه 
قالت لميوه وهي منحرجه :هي كذا دايمن سريعه 
البنت:على كذا كم عندكم من ضحيه 
لميوه :ملاين وانتي موب اخرهم 
البنت : احسها متعمده 
لميوه وهي متورطه: وتضيع الموضوع ..الى انتي ليش معاد كلمتيني ..تعال تعال نغسل لبسس ولافيه روحه بتجلسين معنى اصلن البنات كلهم يسألون عنس 
وراحو عشان تغسل لبسها "معني ما اضن انه بينضف بعد هاالعصير حتى اذا صارت معجزه ونضف ثوبها وشلون تنضف اعردتها ألي مسشورتها يمكن بثلاث الاف ...
ألمهم رجعت اجيب السي دي ولا لقيته من الي ماخذ جعله السرطان وارجع على البنات وسئلتهم عنه وكلهم انكرو انهم خذوه مافيه الاندوي جعلها الباحص ورحت ادورها عشان اسئلها عنه ولا لقيتها "وين اذلفت مالت عليها وماخليت احد ما سئلته عنها وانا امشي و يمر علي ولد صغير مسرع انا ما استوعبت الي شفته قلت يمكن يتهيئلي ويش بيجيب ولد في حفلت البنات واحنى حتى اخوانا الصغار و البنات ما جبناهم اكيد يتهيئلي وكملت طريقي وفجئه طفاء الكهرب ليه مدري ؟؟؟ والبنات كانو يتحلطمون ويدعون على الي نضم الحفله وشلون يطفي الكهرب فشله وبين دعاوي البنات واستغراب الحضور وتحلطام انسوان وشماتت العدوين 
اشتغلت لمبه وحده وكانت موجهه على الباب والكل مستغرب 
ويتبطل الباب وشتغلت اغنيت كل القصايد "كيف مدري معن الكهرب طافي... وفجئه يبطل الباب بهدوئ والكل على راسه علانات تعجب... وتطلع ندوي وكانت لابسه فستان طويل وذيل وسير وردي فاتح من زين البياض ومسويه تسريحه على فوق وفيها وردات ورديه ولا لبست اكسسوارات مسويه نعومه وشاله فستانها بئطراف اصابعها وتمشي كنها عروس ماناقص الا بزرين يشيلون الفستان وتجي تمشي بشوي شوي كنها تمشي على بيض والكل يطالعها ومنصدم وخاصتن النسوان ..طبعن موب عاجبهم شكلها كانو يقولون في انفسهم ويش ها الوقاحه والجرائه الي عندها صدق ماتستحي على وجهها جعلها الجلطه الحقير ..مدري عاد هم قالو جعلها الجلطه الحقيره ولا لا وكانت ام الجيران اللي شيخوه ذبحت رجلها تقول يوووه عرس احسبه حفله المهم وصلت ا لعروس ألأستيج وولعت الانوار وجلست ترقص وجاو صديقاتها الحقيرات يرقصون معهى اكيد ما خرب اختي الاهم 
والله معاد اخليها تكلمهم ولاتمشي معهم وخاصتن ساره الواطيهه الي كانت تصفق لها تشجعها عاجبها الي سوته اختي الحقيره حتى الغنيه متساعد جلسو يرقصون بميوعه على ها الغنيه البايخه جعل العروس السكته ماناقصها الى العريس
معنى ما اضن انها بتعرس عقب ها الوقاحه الي سوتها والله ان تعنس الملعونه .."وانا اقول وينها من الصبح أثاري ألأخت جالسه تتجهز وما خذه السي دي 
ألمهم خللصو رقص ألحقيرات وألعروس بعد ما انتهت الغنيه البايخه الي حتى الخبل ما يرقص عليها ...وكانت بعدها اغنيت من قال حقت هنوده وبغت تجها سكته من الوناسه 
وراحو البنات كلهم يرقصون وانا على طول رحت للعروس الحقيره 
أنا :ندوي ويش الي سويتيه ماتستحين 
ندوي بونااااسه :عادي ما سويت شي غلط بس حركه حلوه ويش رايس فيها حلوه صح شفتيهم كيف كانو يطالعوني ولا كيف كان شكلي كشخه فاجئتكم صح ولا البنات كانو حاسديني كل وحده كانت تقول ليتني مكانس ولا الغنيه كلهم يقولون انها كانت مناسبه لك ولا رقصي وااااااي كان يجنن هم الي قالو موب انا ويش فيس ماقلتيلي ويشرايس..
أنا : رايي انس حقيره لأبعد ألحدود وواطيه وسافله وماتستحين وفضحتيني جعلس الجلطه 
ندوي بستغراب : ليه انشاء الله ويش سويت اكيد انس غيرانه مني ولا كلهم معجبين فيني وانا كنت حلوه موت 
أنا : أغار منك ياألعبده وصديقاتس الحقيرات 
نسو يقولون لك أن كان شكلك غلط بلوردي الفاتحة وطالعه كنك ورده محترقه ....وجات رنود وهنود وقالتلهم العروس على الي قلت لها
وقالت رندا : ليلوه ويش فيس عليها بلعكس كانت تجنن 
وعقبال الفستان الأبيض 
هنود : حرام عليس يا ليلوه ندى كانت حلوه موت والحركه الي سوتها احلى على الاقل محد قد سواها في أي حفل 
أنا : محد قد سواها لأن ما فيه وحده حقيره مثل اختي ندوي 
ندوي بكل جرائه : على الأقل سويت بروفا عشان أذا جا عرسي انا وفارس احلامي لين عندي خبره ولا اسوي العبط الي يسونه العرايس يسون أنفسهم مستحين ولا ماتعرف تمشي من ثقل الثوب ولا تبكي لأنها أول مره تعيش هاألحضه ولا تستحي أذاطالعوها الحضورأما أنا مراح اسوي نفسهم عقب ها البروفا ...
هنود :صدق ألحفله الجايه بسوي مثلس 
أنا : صدق أنكم حقيرات 
شوي وجاو البنات والكل يمدح في العروس 
المهم قومناهم على العشاء الساعه 11 وبعد العشاء سوالف وراحو انسوان وامهاتنا الساعه 12 وحنى ياألبنات جلسنا وجلستنا انا ومهوي ورشا ومنى و الهنوف وعووش ونوال وروان الي اسمها اصلن رفعه بس مغيرته والغثيثه نوف قاطه الله ياخذها وفطوم ...... 
وفجئه جا الملعون عبود ولد خالتي مشاعل 
عبود : ليلى ماشفتي مناغ
أنا بصدمه : من الي جايبك وليه جيت ووشفيك ما رحت مع 
امك راحت 
عبود: ماي مذغ غاحت وانا قلت بجلس مع مناغ لين تغوح توني مبعد استانست 
أنا بصدمه اكثر : وانت ليه اصلن جاي محد قالك انها حفلت بنات وليه مارحت مع امك ويش ألأناسه الي تدورها عندنا هاه وليش منار ماراحت وخذتك معها جعلها الجلطه 
عبود : عادي جاي مع أمي وألحين بجلس معكم زين 
أنا : جعل امك السكته وفارق رح لمنار قلها خلها تاخذك وتذلف جعلك أزايل انت وياها
وذلف والبنات كلهم يقولون حرام عليس كان خليتيه يجلس معنى شكله مهضوم ..."أخليه يجلس معكم عشان يفضحنى طل ....."
وجلسنا نسولف شوي ورجع الغثيث 
وقال: مناغ تقول اجلس مع ليلى ومها يالله بجلس معكم 
أنا :فارق للعن خيرك جعل أمك ألباحص ليه تخليك يالله أذلف ...وراح وهو في الطريق نادته الحقيره أحلاموه أخت بنت خالت منى من ابوها وهي عدوتي مادانيها غثيثه وتغار مني موت وتدورلي الزله عشان تفضحني حكيها واجد ومن بدايت الحفله وهي تراقبني تبيني اغلط عشان تفضحني 
ألمهم راح الحقير عبود وجلس معها .."هناه قلت في نفسي اكيد انها بتجلس تسئله عن كل شي وهو لعين يعرف كل شي أسرار بيتهم كلها عنده وأسرار بعد بيوت الجيران وأسرار بيت اهلي بعد جعل امه ألباحص ما تخلي مكان ما ترزه فيه وبعد يناقشهم في كل المواضيع ويحل المشاكل لازم أبعده منها ...
ألمهم رحت وناديته وخليته يجلس معنى وبدا ينقط ويستخف دمه ذالاطرم وألبنات مستانسين عليه وهو ينقط واذا تعدا حدوده قبصته وهو مطيح ميانه مع البنات معاد ناقص الى ياخذ ارقامهم مالت علي هو وامه ....لا والبنات يقولون امانه اذا جات مناسبه جيبيه معس وألهنوف مستانسه عليه موووت لانها ماعندها اخوان اصغار ويوم شفته مصخهى ينقط ويتغزل في لبنات رحت دقيت على خالي مشعل وقلت اذا جيت دقلي وألساعه 1 جاء ودقلي ورحت وخذيت عبايت منار وعطيتها اياها وسلمتها عبود وقلت اذلفي جعلك الباحص وهي تحلطم وتقول ليه تكلمين مشعل كيف اروحه الحين كان كلمتي الدريول قلت ما كلمت مشعل لا عشان كذا يالله اذلفي واذا جيتي بيتكم اتفلي في عين اختك الخايسه وقولي لها لاعاد اشوف نماها ذبحته ..وراحت وهي تتحلطم وألغثيث عبود بعد يتحلطم يبي يقعد
يقول وهو زعلان : غوحي يامناغ وانا بجيكم مع ليلى

أنا :أصلن ما روحت منار ألى أبي افتك منك وتبي تجلس معي طص للعن خيرك جعل امك الجلطه 
عبود : ليه تدعين على ماي مذغ هي ويش سوت 
أنا : لأنها جابتك يالله طص جعلك انت وامك ومنار الصرطان .....وراحو
ألمهم قامو البنات يروحون ما صارت الساعه 2 وبعد ماراحو المعازيم كلهم بدى التصوير وكانت وناسه على الا خر وخلصت سهرتنا على الساعه 2 ونص ورجنى للبيت الساعه 3 وجلسنى كلنا عند رنود بعد ما بدلنا لأن لو احد شايفنا من عماني بملابسنا كان ذبحنا 
وبدى الحش والتعليق على المعازيم وذايك شيفه وذيك حلوه وذيك وع من لبسها وذيك شعرها موب حلو وذيك ليش جايه وهاذي موب حلوه وذيك كخه وشكل ذي مصخره وذيك لبسها ماينا سبها ولون ذيك لابسه لبس ذيك كان جاعلها احلى ووع من صديقاتس يافلانه وزين صديقات فلانه وافيه من ذيك وجعل ذيك الجلطه ومالت على ذي ليش جايه وهاذيك قاطه وجهها وذي وذيك وذي وذيك لين الساعه 5 الفجر وماخلتنا نوير نكمل سوالفنا حرااام عليكم حرااام عليكن لاتحشون لاتحشون قومو صلو قومو صلو ازعجتنى 
وتونا بنقوم صرخت ذيك الصرخه 
نوير :لالالاااااااااااااااااالاحد يقوم 
هنود :تراس ازعجتينا قومو قومو يوم جينا بنقوم نصلي قلتي لا 
انا :ماتنعطى وجه 
نوير :انا قلت لا قصدي لاتقومون لين تقولون كفارة المجلس عقب ذا الحش كله 
لميوه :ويش نقول ماعرفها 
نوير :قولو سبان الله وبحمده اشهد ان لا اله الهو استغفره واتوب اليه 3..قبل تقومون لعل وعسى يغفر لكم ربي بعد ذا الحش كله معني اشك انه بيغفرلكم 
وقلنا كلنا كفارة المجلس ورحنى كلنا نتوضى ونصلي الفجر وبعد ما صلينا وقررنا معاد نحش في احدبنائن على رغبت نوير وشوي من لبنات ورغبتي انا بعد جلسنا في غرفت رنود الي على السرير والي على الكنب والي على الارض 
رنود :يوه ماكثر صديقاتكم ملاين 
مهوي :شفتو عبود الاطرم جاي 
انا :مالت على مشاعل مدري ويش الي خلاها تجيبه معني محذرتهم مليون مره مايجيبونه 
نوير :ليه والله انه مهضوم ودمه خفيف 
ندوي:أي دم تتكلمين عنه مالت عليه همجي فضحني عند صديقاتي الخايس 
ريموه :جالس ينقط انقليزي ذاالطرم معني محذرته معاد يتكلم بلانقلش لانها كلها رائات بس مايفهم الدلخ 
رنود:حرام عليكم كل مامريت عليه لقيت وحده منكم تهزئه ماتسوى عليه فشلتوه 
انا :عادي لوح مايحس 
مهوي :فشلني مع البنات 
انا :وفشلني مع صديقاتي 
لميوه :والله محد فشله غيرس يادفشه 
انا :خير ويش سويت 
لميوه :فشلتيني مع صديقتي هبه مالت عليس يالفضيحه 
انا :من زين صديقتس ويع ذي ام كشه اعرده 
لميوه :انتي ويش دخلس في شعرها كانت مسويته وخربتيه 
ريموه :ويش اسالفه ويش ليلوه مسويه 
لميوه :الحقيره افغصت صديقتي هبه 
ريموه :احسن من زين صديقتس اصلن انا ماادانيها ام كشه المايعه
هنود :ويش ليلوه مسويه
لميوه :وتقولهم السالفه يوم دعمت صديقتها من طق طق لسلام عليكم 
رنود :اما انس فشيله 
انا :موب ودي بلارايحه اجيب السي دي وصدمتها
لميوه :اكذبي على غيري مالت عليس يافضيحه 
انا : احسن ليه تلبس مثلي 
لميوه :وهي ويش دراها انس لابسه مثل لبسها 
انا :موب انا الي لابس مثل لبسها هي الحقيره الي لابسه مثل لبسي 
هنود :غيرتي شي اهم شي انس متعمده تدعمينها 
انا :ايه متعمد احسن حقيره وشيفه وشكلها غلط وشعراهااا
وتقاطعني نوير : احنى ما تفقنى معاد نحش في احد حراام عليكم 
انا :خلاص موب حاشه فيها 
رنود :بنات ملل اذا ماحشينى 
هنود :صح ويش نسوي 
نوير :ويش رايكم نروح ااا
ونقاطعها كلنا :لاتقولين نلعب كوره 
نوير ترقع :لا كان بقول ااااا ويش رايكم نروح نتمشى تحت في الحوش مامليتو من الجلسه في الغرفه 
ريموه:ايه صح خلونا نروح برى نغير جو 
انا :يمكن حر 
ريموه :لا موب حر الحن مبعد طلعت الشمس تو الساعه 5 ونص 
رنود :يالله نروح 
ندوي :ويع مالي نفس خلونا جالسين 
نوير :هاه من الي يبي ينزل معنى ومن الي مايبي ينزل 
انا :انا بنزل 
شيخوه :وانا ماعندي مانع 
ندوي :ويع انا مالي نفس لاانزل رحت ارقد 
انا :بطقاق كلش ميتين عليس 
هنود:وانا مالي نفس بعد
رنود:انا ماعندي مشكله 
لميوه :وانا بعد 
ريموه : انا بنزل نزلتو ولابطقاق 
مهوي : حتى انا بنزل معكم 
نوير :يالله 
مهوي : بس يكمن الشباب تحت 
انا :بطقاق 
نوير :اجل يالله ننزل 
ولبسنى كلنا عباياتنا الى رنود طبعن ونزلنا وكان البيت هدوئ موت ونزلنا وطلنا في الحوش ورحنى للحديقه وجلسنا فيها على الجلسه وندوي راحت ترقد وهنوده راحت ترقد معهى في بيتنا وحنى جلسنا 
ريموه :بنات جوعانه حدي 
رنود :الحين محد غيرس قضا على البوفيه وتقولين جوعانه 
ريموه :جعت عاد حرام 
انا :حتى انا جوعانه خلونا نروح نسوي لنا شي ناكله 
رنود :بقوم الشغاله تسوي لنا شي 
مهوي :تقومين الشغاله الساعه 5 
رنود :عادي 
نوير :حرااام عليس مارقدو الخدم الى الساعه وحده بسبت زحمت البزران وتقومينهم الحين 
رنود :خلاص روحو سولكم شي تاكلونه وسولي معكم 
انا :لوا تبين تعالي سوي لس الي تبين 
ورحنى كلنا للمطبخ وكل وحده جلست تسويلها سندويتش مع عصير عشان ولا وحد هان عليها تسوي حليب ونوير سوتلها اندومي بس الاندومي تبيلها وقت وحطت جوالها على المنبه وطلعت معنى وخلتها ورحنى وجلسنا في مكانا الاول وجلسنا ناكل والجو كان شوي حر واشمس قدها بتطلع 
ريموه :بنات ويش رايكم نسبح 
كلنا :هاذا الي ناقص 
ريموه :عادي مافيه احد 
انا :انتي خبله ومجنونه ولا منتهيه 
ريموه :خير عادي 
شيخوه :ويش رايس بعد نلبس مايوهات 
ريموه :لا نسبح بعباياتنا عشان اذا احد شافنا عادي 
لميوه :ويع بعباياتنا بيصير شكلنا غلط 
نوير :اصلا كيف ويع 
ريموه :خلاص بطقاق انا بروح العب بليستيشن 
انا :تلعبين بروحس 
ريموه :لا مع العيال 
مهوي :أي عيال 
ريموه :العيال الي في المجلس 
لميوه :لايكون قصدس الشباب وتسوين تموه بلعيال 
ريموه :ليه ويش شايفتني عشان العب مع الشباب انا قصدي الطعشات 
انا :ويش دراس انهم هناه 
ريموه:بروح ادق على تليفون المجلس والي يرد علي بسأله وبخليهم يدخلون البليستيشن ولعب معهم 
رنود :من تقصدين بطعشات 
ريموه :مجود ومشاريوه وسلمانوه وريود وفهود
انا :ياسلام تلعبين مع ذولا 
ريموه :عادي وين الغلط 
رنود :ماتستحين منهم فهد 
ريموه :عادي فهود مثل اخوي الكبير واذا صار عمره عشرين سنه ذيك الحين بحاول استحي منه 
رنود :اما انس غريبه 
شيخوه :عادي اخواني حبيبين وريموه مثل اختهم 
انا :كيف تقدرين تلعبين معهم بليستيشن وانتي بغشوتس لاتقولين بعد انس ماتغشيين منهم 
ريموه :لاعاد ويش شايفتني اسويلي لثام ولا البس نقاب والعب معهم والله العب مع العيال وناسه احسن منكم
انا :خلاص فارقي 
ريموه :تعالو نلعب كلنا مع بعض 
مهوي :لا مانبي روحي انتي 
ريموه :تروحين معي لميوه 
لميوه :لا انا ماحب العب مع العيال ولو كان رايد بس والعيال الصغال كان يمكن بس فهد موب متعوده عليه 
ريموه :لايكون قصدص انه اكبر منس تراه بس اكبرمنس بس بسنه وبعدين عادي انا عند خوالي العب مع الشباب الكبار 
لميوه :مابي بلعربي 
ريموه :احسن من زين لعبس عطيني يانوير جوالس خليني اتصل على سلمانوه اسأله وينهم 
نوير :هذاك اخذيه .........واول ماشلته ريموه تبي تتصل صاح المنبه حق الاندومي 
نوير :يالله يبنات ندخل كنه حر 
انا :يالله 
ريموه :يالله نروح نلعب بليستيشن 
انا :لا موب لاعبين 
شيخوه :امشو ندخل 
رنود :يالله 
ورحنى كلنا للمطبخ ونوير كانت سابقتنا للمطبخ وفجئه نسمع صرخها ونروح نركض وندخل المطبخ 
انا :خير ويش فيس 
نوير :فيه احد حقير ماكل اندوميي 
لميوه :اكيد واحد من الشباب 
نوير :اكيد جعلهم السم ياربي 
مهوي :خلاص اكل أي شي ثاني 
نوير :لا ابي اندومي جوعانه ومايشبعني غيرها 
ريموه :اكلي كرون فلكس تراه يشبع 
نوير :ضنكم من الي ماكلها 
انا :مايبيلها ذكاء اكيد واحد من الطعشات ولا من الشباب 
نوير :كيف اعرف من الي كلاها 
لميوه :روحي شوفي من الي في المجلس وتعرفين 
رنود :اكيد توه ياكل فيها 
نوير :كيف اروح للمجلس فشله 
انا :انا عندي فكره 
نوير :ويش 
انا :نروح ونوايق من الدريشه حقت المجلس ونشوف من الي ماكلها 
نوير :يالله 
ريموه :لالالحضه الدرايش عاكسه يعني بيشوفونكم وانتي موب قادرين تشوفونهم 
نوير :صح حيس ذكرتيني 
مهوي :مايبيله ذكاء تروح رنود الدلخه تشوف عادي هي عمتهم 
نوير :ايه صح فاتني 
رنود :لا اعفوني فشله الحين رقود 
مهوي :اموت واعرف ذولا ليش مايرقدون في بيوتهم 
لميوه :مثلكم انتو ليش ماترقدون في بيوتكم وترقدون هناه 
مهوي :عشان نجلس مع بعض 
رنود :هم نفسكم 
نوير :امانه روحي يارنود
رنود:واذا عرفتي من ويش بتسوين يعني 
نوير :عادي بس ابي اعرف 
انا :لا اذا عرفتي من انتقمي منه 
نوير :كيف 
انا :انتي اعرفي من ثم فكري تنتقمين 
رنود :اذا المسأله فيها انتقام موب رايحه 
نوير :لا مافيها شي روحي 
وراحت رنود للمجلس وحنى جلسنا ننتضرها ونوير سولتها سندويتش وكلته وجلسنا نسولف شوي وجات رنود 
رنود :عرفت من المجرم 
نوير :من الحقير 
رنود :مشعل اخو مهوي 
نوير :جعله السم الملعون الحقير مالت عليه هو ومهوي 
مهوي:خير ويش دخلني وبعدين عادي جعل فيه العافيه لشعولي 
نوير :اما انه حقير ليش ياخذ شي موب له 
مهوي :ترا بلا اندومي موب مضبي 
نوير :الخايس امانه ليلوه علميني عشان انتقم منه 
انا :بفكر لس 
مهوي :هي انتي وياها والله لاتسوون لخوي شي ان علم عليكم وافضحكم وانتقم منكم 
نوير :ذابحتس الاخوه تدافعين عنه بدل ماتروحين وتهزئين وتعلمينه الادب 
مهوي :انطمي اخوي مئدب بس اكيد انه جوعان ولا اكيد خويلد اخو ليلوه مروحه ادري فيه نحيس 
ريموه :اتخسين اخوي خالد موب حرامي وانتي واخوس النحيسين 
رنود :عمى ترا ماتسوى علي ليتني مارحت وشفت 
نوير :لا خلاص امانه رنود روحي انتقمي منه لي 
رنود :تنكتين هاذا الي ناقص 
نوير :عادي انتي عمته 
رنود :ولو ماتعوت عليه عشان اروح اهاوشه 
شيخوه :يعني تستحين
رنود:بسراحه ايه

انا :صدق رنود انتي ماتعوتي علا الشباب ولاحتى تجلسين معهم معنس عمتهم 
رنودبعصبيه :انتو خليتوني اتعود على احد حاكريني في غرفتي اول ماقوم من النوم القاكم عندي وتجلسون على كبدي لين ترقدوني وين اتعود على الشباب فيه او حتى الحريم الي اضيع في الساميهم 
مهوي :ترا والله معاد نجيس 
رنود :لا بس صدق حكره 
ريموه:خلاص موب داخلين غرفتس اليوم بنجلس في الصاله 
رنود :مسوين خير 
انا :صدق انس ماتنعطين وجه 
ريموه :خلاص بنات بروح اكلم العيال يجون يلعبون معنى بليستيشن 
انا :ولا تنادين رايد وفهد لانا موب ناقصين غشاوي نبي ناخذ راحتنى 
ريموه :حرام عليس عادي 
شيخوه :مسويه مستحيه عادي 
انا :لاوالله تبيني اجلس قدامهم كذا 
نوير :عادي حافضين وجهس توس متغطيه منهم امس 
انا :بس مايصير وبعدين ابي اخذ راحتي 
مهوي :انتو تقولون كذا عشانه اخوانس بس 
ريموه :خلاص موب منادتهم ...وراحت تدق على المجلس 
انا: تعالو نجلس في الصاله 
نوير :لابنزعج جدتي 
انا :وين غرفت جدتي عندنا بعيده 
نوير :مناحيت بعيده هي بعيده بس اصواتكم تجيب الي في الخر الدنيا
انا :لاموب سامعه صوتنا 
مهوي:اخاف يدخل علينا احد من الشباب 
لميوه :بنقفل الباب الي بينا وبينهم 
شيخوه :خلاص عاد يالله 
ورحنى كلناوجلسنا في الصاله وقفلنا البيبان كلها لانا ندري ان الشباب عله يمكن يدخلون مع أي باب 
وجات ريموه 
ريموه :بنات حرام ناديت رايد 
انا :ليه انا ماقلت لس لاتنادينه عشان ناخذ راحتنا 
ريموه :فشله كانو كلهم يلعبون كيف اناديهم واقولهم لاتجيبون رايد معكم 
انا :كان مانديتيهم ورحتي تلعبين معهم في المجلس احسن 
ريموه :تنكتين هاذا الي ناقص 
شيخوه :عادي ترا رايد اخوي حبيبي وكنه بزر مايبرق في شي يعني بريئ 
انا :كثري منها 
نوير :خلاص عادي تغشو ولعبو معه 
ريموه :بس مااضن انه بيجي لاني بينت انا مانبيه 
انا :من ناديتي 
ريموه :ناديت مجود ومشاري وحمود وخالد 
شيخوه :من خالد لايكون اخوس 
ريموه :عمى خالد ابو خلي ولد عمتي ساره وخوه حمود 
شيخوه :اشوى 
رنود :عادي بنات لاتعقدون الامور وخير يعني لاجا رايد حرام عليكم 
اشوي ويندق الباب حق الصاله الي من صوب المجالس وتغشينا وراحت ريموه تفتح وكانو العيال مشاري ومجود وحمود وابوخلي ومعهم البليستيشن 
وجاو وجلسو عندنا على الارض وحطو البلايستيشن 
جلس على الكنب حمود 
ريموه :وين رويد 
مجود :قاله الوح ابو خلي انكم شكلكم ماتبونه وشكله زعل وراح لبيتهم 
شيخوه بتعجب:اخوي الوح رايد يزعل ذاه لوني طاردته مع الباب موب رايح لو بموت 
مشاري :حراام عليكم يابنات كان متحمس ويقول اذا فزتو عليه بيشتري لكم فوطور على حسابه 
نوير :صدق جعل ليلوه الموت والله ان ريود حبيب وعادي عند لو تجلسون بدون شي 
مجود :ريموه ليش ماجهزتي التي في 
ريموه :ثقيل تعال شيل معي 
ابوخلي :انا بجيبه ....وطبعن ابوخلي شيطان وملقوف الى ابعد الحدود وشقي شقاوه موب في احد بس موئدب وبدون مايردون عليه راح وشال التي في ويش كبره وجابه بغى يجيه شد عضلي وجا بتي في ووقف عندنا الي مبعد احد جاب طاوله وجلس يتوجع 
ابوخلي :بسرعه جيبو طاوله انكسر ضهري 
وراح مشاري وحط طاوله صغيره يالله تشيل لتي في وحط ابوخلي عليها التي في وجلس يشبكه 
مشاري :ويش اخباركم بنات من الحفله كانت حلوه 
لميوه :روعه بس ليلوه خربتها 
مشاري :ليه 
لميوه :وتقوله السالفه مالت عليها 
مشاري :بنات ليه ماخليتونا نشوفكم قبل تروحون 
انا :ليه تشوفنا 
مشاري :عادي 
ريموه :صورنا الحفله ذكرني ارويك اياها بعدين 
مشاري :فيديو 
ريموه :ايه 
حمود :بنات ليه ماخليتونا نحضر الحفله مالتكم 
مهوي :هاذا الي ناقص 
شيخوه قارفيني في البيت وبتلحقوني في الحفله 
حمود :عادي وخير يعني اذا حضرنا معكم 
لميوه :انت على بالك انك بزر تراك شايب 
حمود:عادي هناك عند اهلي يوم حطو حفله النجاح للبنات حضرناها 
نوير وهي متربعه عند التي في وماسكه الجهاز :عند اهلك موب خوالك 
حمود:ليه وخير يعني ياخوالي 
مهوي :احنى غير لنا خصوصيه ومانحب العيال يقتحمون خصوصيتنى وهلك عادي عندهم 
حمود :خلاص فهمت حفلتكم كانت حلوه 
لميوه :تجنن
حمود :وين حطيتوها فيه 
لميوه :في الملكيه 
حمود :حتى اهلي كانت حفلتهم هناك 
لميوه :صدق ....وقامت وجلست جنبه 
لميوه :قولي ويش حفلتهم قايله وبناتكم ويش لابسين 
حمود :انتصار كانت لابسه بنطال جنز وتي شيرت بلاك وشعرها عادي قاصت كاريه بس موب كشخه انا كنت اكشخ منها وهند لابسه درس اورنج وطالع عليها روعه لان جسمها حلو كنها مودل ومسويه شعرها كيرلي 
ووعد كانت لابسه سكيرت قصيره حرير لونها ريد وقاصه شعرها شقردئ ومسويه هايليت ريد بعد وحاطه ميكب خفيف لانها حلوه ماتحتاج 
وجلس هو ولميوه يسولفون هي تسأل وهو يجاوب ويسأل وبينماهو جالس يسولف تمنيت اني اتغطا منه لانه عنده قوة ملاحضه موب طبيعيه وصفلنا بنات عمانه وعماته ونسوان عمانه كنا نشوفهم قدامنا حتى الملابس قالها كلها بلحرف الواحد صار يدقق ويلاحض كل شي 
ولايقول ليه ماخليتونا نجي حفلكم عشان يفضحنى 
وريموه جالس هي ونوير يتبارون وابوخلي العله قالب الصاله مايعرف يجلس ثانيه رايح جاي وماخلاشي مانكث ولاتعبث فيه ومشاري هو ومجود جالسين يشجعون ومهوي تحلطم تبي تلعب سياراة ورنود جالسه عادي وتطاالعهم وجاها ابوخلي وجلس على الطاوله قدامها 
ابوخلي :تصدقين انس خالتي 
رنود :صدق اناخالتك
ابوخلي :ايه انا كان ماعندي خاله والحين صار عندي خاله ياخالتي
رنود:اول مره من يوم جيت هناه احد يقولي ياخالتي 
ابوخلي :يعني اقولس ياخالتي ولا يارندى
رنود :لاقولي رندى عشان كلمت خالتي تكبرني 
ابوخلي :لا امانه خليني اقولس ياخالتي احسن انا في حياتي ماقلت ياخلتي لأن ماكان عندي خاله والحين صار عندي امانه خليني اقولس ياخالتي الله يخليس
رنود :خالص قول الي تبي خالتي عمتي جدتي انشاله تقولي يبه 
ابوخلي : خالتي 
رنود :نعم
ابوخلي :لاولاشي بس اجرب 
رنود :اللحمد اللله 
ابوخلي :امانه ياخلتي الغاليه قومي العبي معي 
رنود :ويش العب معك 
ابوخلي :أي شي باريني زين 
رنود :خلاص زين 
ابوخلي :أي شباب تراني بباري خالتي اول 
شيخوه :لاصدق انتو ويش جابكم امكم ماراحت 
ابوخلي :لا امي هاذيك راقده في غرفتها وخواتي بعد 
انا :ليه مارحتو 
ابوخلي:افا ماتبونا
انا :الى بس مستغربه عمتتي يوم راحت من الحفله تقول بروح لبيتي 
ابوخلي :عاد ماراحت 
نوير :قووووووووووووووووووول 
ريموه :ياليل مطولك 
مشاري :العبي لس 
ريموه :لاوالله ويش شايفني توني بيطلع لعبي الحين 
مجود :صار لس ربع ساعه وانتي تقولين بيطلع لعبي الحين ولا شفناه 
ريمو :شوي ماعندك صبر بتشوفه الحين 
نوير :قوووووووووووووووول
ابو خلي :هاذاهو جا شوفوه 
انا:من الي بيباريني 
شيخوه :انا 
وشوي الى ورايد شايت الباب برجله وداخل ....وعلى طول تغشينا وجاء مسرع وجلس جنب نوير 
رايد بحماس:هاه من الي فاز 
والكل كان مستغرب "موب يقولون انه زعل ويش جابه صادقه شيخوه يومها تقول انه لوح "
مجود:ريود وين رحت 
رايد :رحت اشتري شريط بليستيشن 
ريموه :قراند
رايد :لا الكوره الي تحبها انوري عشان الاعب البالدا 
نوير :صدق شريته 
مشاري :لا اشريط هاذا حق لانديه القطريه احلى 
نوير :لاموب احلى هاذا احلى على الاقل فيه لاعبين حلوين 
شيخوه :رويد ويش عندك لابس وين بتروح 
كان لابس برموده بيضى عليها كتبات ومحدده بحمر وبلوفر احمر مع البيض ولابس شحاطه بيضى وكاب ابيض 
رايد :عندي موعد
شيخوه :لاتكون مواعد وحده 
رايد :اواعد وحده الساعه 6 ليه مواعد خدامه 
شيخوه :اجل وين بتروح 
رايد:بروح الساعه 9 مع الشباب للمسبح 
شيخوه :علمت ابوي 
رايد :لا بس لاتعلمينه 
شيخوه :على حسب 
نوير بعد مافازة على ريموه 2 صفر :من الي بيباريني 
ابوخلي :انا بتبارا مع خالتي 
نوير :لا انا بلعب واحد يجي بياريني 
ابوخلي :امانه نوره خليني العب مع خالتي تكفين 
نوير :نو
رنود :أي انتي خليني العب مع ولد اختي 
نوير :يالله صدقه جاريه العبو 5 دقايق 
رنود :لاوالله 
ابوخلي:عادي اهم شي نلعب 
نوير :خلاص يالله تعالو كسرتو خاطري 
رنود :لاتكونين متصدقه علينا

وراحت تلعب هي وابو خلي الي مستانس برنود كنه اول مره يشوف خاله ورنود خذت فريق البرازيل وابوخلي ماخذ ايطاليا وجلسو يلعبون وفكونا في الزعاج ابوخلي لوني ادريه انه اذا لعبنها بينطم كان لعبته اول واحد 
ورايد كان كنه موب معنا جالس قدام التي في ومتعنز على المركا الي حاطه وراه ومندمج مع العب ويعطي رنود تعليمات لانها ماتعرف تلعب زين وصوته جايب الي في اخرالدنيا ولميوه داقتها سالفه مع حمود ومشاري وريموه بعد جالسه عند التي في وحاطه لها الثام كل شوي طايح من الحماس مع العب 
وشيخوه جالسه تشجع رنود ونوير تشجع ابو خلي واخر ازعاج وانا ومهوي جالسين ننتضر ادوارنا وانا ومهوي وريموه حاطين لنا الثمه عشان رايد ولميوه جالسه في اخر الكنب ولاتغطت تقول عادي موب شايفني وهو كنه موب موجود ماشال عينه من التي في مندمج كنه نوير يحب الكوره 
وقامو الخدم وروحنى سيرياتي تسوي لنا حليب وخلصو العب رنود وابوخلي الي لازق في رنود ومطيح معهى ميانه بسوالف وياخالتي ياخالتي كن محد عنده خاله غيره 
وجلس رايد يباري مهوي وشوي وشوف حمود يتئمل فيني انا ومهوي وريموه ولميوه الي استحت على دمها وسوت لثام 
انا :حمود خير مضيع شي في وجيهنا 
حمود :احلى وحده بلثام انتي ياليلى عشان عيونس حلوين 
التفت علي الكل الى ريود ومهوي ونوير كانو عايشين جو ثاني كنهم موب معنى "جعله الجلطه اشهدنه يبرق في كل شي " 
مجود :اختي رنود احلى من ليلى بلثام صح رنود
رنود: صح 
حمود :انا اقصد الي الحين متلثمين احلا هم ليلى
مجود :صح 
انا اضيع الموضوع :الى وين سلمانوه 
مشاري :راح
شيخوه :وين راح الصايع 
مشاري :مدري يقول بيشترله فطور لانه جوعان
نوير :بروح ادق عليه يجيبلنا فطور معه .......وخذت جوالها ودقت عليه يجيبلنا معه فطور
وجات الشغاله بلحليب وحطته وقلت لها تجيب كاسات اكثر عشان الكسات كانت شوي وراحت وجابت وهي توها في الطريق راح ابوخلي مسرع كلعاده موبقصده دعمها ونكبت الكاسات على الارض وتكسرة وراحت الشغاله تجيب مكنسه عشان تكنس الكاسات وساعة جات يبي ياخذ منها ابوخلي امكنسه وععيت الخدامه ومسك نص وهي نص 
سرياتي :ابوكلي كلي مكنسه انا يبي ينزف {بوخلي خلي المكنسه اب يانضف**
ابوخلي :انا بنضف خليها 
سرياتي بعصبيه:انتى اله انايبي نزف هازا كاس {انتي عله انا ابي انضف هاذا الكاس**
ابوخلي :لا انا الي وصخته انا الي بنضفه 
سرياتي :بنات شوفو ابوكلي مافي كل انا ينضف 
ابوخلي :خالتي شوفي خليها تعطيني 
رنود:سرياتي عطيه بصره خليه يسوي الي يبي 
سرياتي :هادا مافيه يئرف نضف بعدين مشكله
ابوخلي :الا اعرف انضف 
رنود :خليه وروحي 
وعصبت الخدامه وراحت وجلس ابوخلي يكنس القزاز الي كان 4 كاسات قزاز واذاشاف كسره كبيره طحنها ولم القزاز كله وراح وكبه قدام باب المجلس وخش النعل كلها وقفل الباب الي بينا وبينهم وجا مستانس 
رنود : اخويلد خير ليه سويت كذا 
ابوخلي :اسوي مقلب في الشباب 
رنود:امحق مقلب تبي تقطع رجلين الشباب 
ابو خلي :احسن يستاهلون 
انا :ليه 
ابوخلي :يضحكون علي لني اذا رحت اجيب شي حتى لونه قريب البس نعال وهم يمشون حافين ويقولن ترا الارضيه ماتشوك وهم يمشون حافين عادي عندهم خليهم الحين يطلعون وتتشقق رجليهم ثم يعرفون قيمت النعال ويحسون فيني 
نوير :والله وتعرف تنتقم امانه اطلب منك طلب 
ابوخلي :اطلبي عزس 
نوير : انتقم لي
ابو خلي :من من
نوير :مشيعل عنه ماكل اندوميي
مشاري :لاندومي حقتس الي خذاها مشعل 
نوير :ايه جعله السم 
مشاري:ابوخلي الي ماكل نصفها 
نوير :يامال السم 
ابو خلي :عادي هو الي عازمني وكليت انا ويش دراني انها حقتس 
نوير :يالله كفر عن الي سويته وروح انتقم لي 
ابوخلي :انشاء الله 
مهوي :أي ياويلكم لاتسون شي في اخوي 
نوير :اقول انطمي... اذا امكن 
وقام ابوخلي ماعند وقت وماعنده مشكله عادي راح للمطبخ وخذا دبت ماء بارده وكبها في طاسه كبيره وحط عليه ثلج وراح للمجلس ونوير مستانسه حدها انها لقت احد ينتقم لها 
مهوي خلصة مباراتها مع رايد وفازعليها7 وهي 1وجات وجلست وريموه راحت تباري رايد 
مهوي :صدق ان خويلد ماينعطى وجه اخوي شعولي مخليه ياكل معه جعله اتخمه ورايح ينتقم لنوير 
حمود:انا من الي بيباريني بعد ريم 
شيخوه :انا باباريك 
رايد :قووووووووووووووووول
مشاري :انا من الي يبي يباريني 
رنود :انا 
انا :وانا متى بلعب انشاء الله 
نوير :بتبارا انا وياس 
انا :انا ابي مصارعه 
شوي الى ونسمع الصراخ وهواش في المجلس ويجي ابوخلي مسرع ويدخل ويقفل الباب الي بين الصاله والمجالس وشوي ونسمع صوت احد يتئلم ويتحلطم 
وجانا ابوخلي وحاط اصبعه في ثمه ومقرفط وجهه ووقف وجلس يطالعنا 
رايد :قوووووووووووووول
شيخوه :ويش عندك مخمل 
مهوي :ذبحت اخوي 
رنود :ويش سويت 
ابو خلي :انا مجرم 
حمود :توك تدري وانا اول ضحاياك 
مشاري :اخلص ويش صار 
نوير :انتقمت لي ياغالي 
ابوخلي بحزن :شر انتقام 
نوير :ويش صارقول 
رايد :قوووووووووووووووووول
ابوخلي :انا رحت وكبيت الماي على راس مشعل وهو نايم وحذفت خالد بن فهد بطاسه وجيتكم ركض وانا طبعن علي نعال ولاحسيت بلقزاز وناسيه اصلان وهم طلعو وراي ماعلهم نعل وطاحو فيه وتقطعت رجليهم وانا الحين اشعر بندم واكيد بيذبحوني بروح ادق على ابوي يبجي ياخذني ولاخشيني ياخالتي
رايد :قوووووووووووووووول 
رنود :اكيد بخشك عقب ذي الجريمه الي سويتها لانهم اكيد بيذبحونك 
نوير :احسن يستاهلون بس حرام ويش دخل خالد اخو ليلوه 
ابو خلي :هو مهاوشني قبل يرقد قلت انتقملس ولي واضرب عصفورين بطاسه وحده 
سرياتي وهي معصبه :ابوكلي وين هذي طاسه وين مكنسه وين قزاز انتا وين ودي 
ابو خلي : كلو ودي مخزن 
وطالعته بنضرات وراحت وطلعت برا مع باب الحريم 
رايد :قووووووووووووووول
وراح ابوخلي وجاب من المطبخ صطل وعباه ماء وحطه فوق الباب وسايف الباب وحط مركا وراه عشان ماينفتح لين احد يدزه وجلس يعبث في الجوالات حقت البنات كل عاده يده تاكله 
شوي وجات غدير بنت عمتي ساره وشعرها طاير ولابسه قميص فوق ركبتها سير اصفر ومخطط بسود كنها نحله ولابسه شحطات ويش كبرها برتقاليه 
وجات وجلست عند التي في جنب رايد وهي بوزها شبرين 
ابوخلي بعد ماراح وجلس جنبها :غدور ويش فيس زعلانه 
غدير :ااااابييي ااأأأرقد واوا انتوااازززعجتووونييي "طبعن هي ماتعرف تتكلم مثل اناس لازم تقطع الكلام وساعه عشان نفهم ويش فيها "
ابو خلي :وين منوله 
غدير :ممممنااااال فوواااق راااقده معععع ااامل ووواواومشااااعل 
ابوخلي :عادس نعسانه 
غدير :لااا
ابوخلي :خلاص تعالي نلعب انا وانتي مطارده 
غدير :ززيين
ابوخلي :اول اكل سندويتش واشربي حليب وبعدين نلعب اوكى
غدير :اوكى 
وراح ابوخلي للمطبخ وانواع الازعاج واهده مع الخدمات وصوت الصحون والكسات والخدم يتحلطمون كنهم في حرب 
وشوي وتجي سيراتي معصبه 
سرياتي :بنات شوفوابوكلي يسوي مشكله داخل مطبخ 
انا :ويش هو مسوي
سرياتي :يسوي سندوتش انا كلام انا في سوي ابوكلي كلام مافي سوي انا في سوي بئدين يسويمشكله داخل مطبخ
شوي ونسمع صوت الخدامه الثانيه تصيح وتروح سرياتي تركض للمطبخ ورحت انا ورنود ومهوي 
واول مادخلنا لقينا ابو خلي محاصر الشغاله بسكين حاره على الفرن في الزاويه وهي تصيح 
انا :خويلد وعمى 
ابو خلي بعد ما ابعد من الشغاله ونحاشت :ويش فيكم 
رنود :ويش تسوي 
ابوخلي :اسوي مقلب ياخالتي 
مهوي :مالت عليك انت ومقلبك يالله اطلع برا
ابوخلي :شوي سندويتش مال غدور في المايكرو ويف 
انا :اخذه وطلع 
رنود :الحين الخدامه بتعلم عمتي عليك 
ابوخلي :انا قلت لها لاتعلم جدتي عشان ماتزعل علي وقلت لها تعلم امي اذاقامت وقالت زين ..ياخالتي 
رنود :خلاص يالله اطلع 
ابوخلي:انشاءالله ...ياخلتي
وخذا السندويتشات الي هو مسوي الي شكلها يسد النفس محترقه والجبن والمرباطالع منجنب وحطها في صينيه وطلع وخذمعه كاس حليب ورحنى لصاله واول ماجلسنا 
رايد :قوووووووووووووووول
وابوخلي عطاغدير السندويتشه الي تسد النفس وصبلها حليب وهي كلتها ماعندها مشكله وراح فوق مسرع مدري ليه وريموه اذبحت رايد بقوس كل شوي فاقده اعصابها وباقسته وهو ميت عليها من الضحك و
انا :لعنه متا بتخلصون 
رايد :انا الحين مدري كم سجلة ريموه خافيه النتيجه عشان ماتفشل بس اكيد انا الي بفوز 
ريموه :اتخسي والله مايفوز غيري الشوط الثاني برويك 
نوير :ريموه ما لعبتي ببرشلونا 
ريموه :ويع لاتذكريني ببرشلونه تراني كرهته بسبب ايوب الي في استار اكدمي بطكبدي برشلونا برشلونا 
انا :خلونا نلعب مصارعه 
مشاري :ويع موب حلوه 
انا :بلعكس احسن من الكوره الممله 
نوير :بلعكس الكوره ممتعه 
مجود :مليتو ويش رايكم اجيب الوصله ونلب كلنا 
شيخوه :قدااام 
وراح مجود يجيب الوصل ولقاء الباب مقفول ورجع 
مجود:وين ابوخلي 
رايد :قوووووووووووووول
رنود:راح فوق 
مجود :ويش يسوي فوق 
نوير :الى علا طاري فوق تراني برقد عندس يارنود 
رنود:ليه 
نوير :اختي جواهر عندنا 
انا :ليه لاتكونون متزاعلين افا ينوير انتي العاقله والمؤدبه الي دايم تنصحينى وتقولين لاتزعلون على الي اكبرمنكم واحترمو الكبار واعطفوعلى الصغار وواواواالخ
نوير:ممكن تاكلين تبن اذا أمكن 
انا :اكلي تبن انتي هاذاجزاي اني انصحس 
نوير :الحمد لله تخترعين قصه وتنصحيني 
انا :يعني ماتهاوشتي مع جواهر
نوير :لا
رنود :اجل ليش تبن ترقدين عندي 
نوير :عشان اذا قد اختي جواهر عندنا البيت ينقلب فوق تحت من عياالها 
رايد :قوووووووووووووول
مهوي :اكيد امداهم يرقدون 
نوير :لاذولا مرابطين 24ساعه يرقد حمني يقوم سلطه يرقد سلطه يقوم حمني وأكيد ان سلطه الحين رقد و حمني الحين قام عشانه راقد بدري واكيد بيدوني وموب لاقينا وبيجي 
رنود:لذي الدرجه 
نوير :واكثر ناشبيلي 
انا :ويش معنى انتي ماشوف شيخوه تشتكي 
نوير :هم الي يشتكون من شيخوه ماعندها 1 ..2 اذا الزعجزوها بنعال على روسهم وتقفل غرفتها وترقد لو يطقون الباب بفاس ماحسة فيهم اما انا ارحمهم واتفه شي يسونه يزعجني وبعد يحبوني حبهم برص وبعد اخاف اقولهم شي يفضحوني عند اهلهم حمني يعلم ابوه اذا طقته شيخوه قداما ياخذ التليفون عينك عينك ويدق على ابوه ويقوله كل شي
رنود :حراام تكسرين الخاطر خلاص امسي عندي 
لميوه :لا امسي عندي انا 
مجود :لا ارقدي عندي انا 
شيخوه :انا الي برقد عندك
مجود :الله يحيس 
رايد :قوووووووووووووول
مهوي :ترك ازعجت

ريموه :تراه يكذب ان االي اسجل وهو يقول قوووول 
انا :مجود روح جيب الوصله خلنا نلعب 
مجود :زين .......وراح لغرفته 
وجا أبوخلي يركض 
ابوخلي :خلصتي غدور عشان نلعب 
غدور :اااييه
رنود :ويش تسوي فوق 
ابوخلي :رحت اقوم منال اختي ....ياخالتي 
انا :انت غصب تدخل كلمت خالتي في كل شي ترا مايسوى عليك 
رنود :بكيفه خليه يقول ياخالتي 
لميوه :على أي اساس تدخل غرفت خواتي وهم رقود
ابوخلي:علا اساس اني اقوم اختي 
لميوه :وليه تدخل بدون ماتستئذن يالخايس 
ابوخلي :الى مستأذن ويش شايفتني ادخل بدون استأذان 
لميوه:من من مستأذن
ابوخلي : من خالي فيصل طقيت الباب وفتحلي حتى دخلت في مرسمه ورسوماته حلوه وقلت له يرسمني وعطاني رسمه من رسماته لي بعلقها في غرفتي الي في بيتنا وبرويها اصويلح عشان ينقهر 
لميوه :ويع من الصويلح 
ابوخلي :ولدجيرانا 
انا :وين الرسمه الي عطاك رويني اياها 
ابوخلي :لاحطيتها فوق عند باب قسم خالتي 
انا :ليه تحطها عند الباب 
ابوخلي:عشاني جاي استأذن خالتي اني ادخلها في قسمها تخشها عندها لين اجي اروح ثم تعطيني اياها احطها خالتي ؟
رنود :اكيد تحطها 
ويطلق ابوخلي فوق وراحت وراح غدير اخته وشوي وجامجود بلوصله وجلسنا كلنا دائره عند التي في وشبكنا وتوزعنا فريقين 
انا + شيخوه + نوير + مهوي + رنود فريق ونلعب بسبانيا بعد اصرار من نوير 
رايد + مجود + ريموه + مشاري فريق ويلعبون ريال مدريد 
وبدا العب ...........
ولميوه وحمود مايبون يلعبون وجالسن على الكنب ورانا 
لميوه بعد ماشالت غشوتها:رايد لاتلتفت وراى لني موب متغشيه 
رايد :زين 
حمود :لمياء ليش ماتصبغين شعرس اصفروتلبسين عدسات زرقى مثل عمتي عذاري بتطلعين كشخه 
لميوه :عاجبني استايلي الشرقي 
حمود :والله لو تسوين كذا بتطلعين حلوه خاصتن وانتي ناعمه موت 
مشاري :ايه خاصتن وهي ملامحها طفوليه 
اهناه لميوه تورطة وتغشة على طول وجات تجلس معنى قدام وجلست على الكرسي الي جنب رايد "والله ان رايدبريئ ارحم من حمود ومجود ومشاري بمليون مره وحنى نقول تعالو انتو ولاتجيبون رايد معكم مادرينا انهم هم البلشه " 
وحنى جالسين نلعب وانواع الصراخ والعن والسب والشتم وهم كل شوي مسجلين علينا قول وحنى مانعرف نلعب بس نوير هي الي فنانه وسجلت لحالها عليهم 5 اهداف وهم الاربعه بس سجلو 6 اهداف والصاله معفوسه حدها 
جا سلمان بلفطور بعد مامربه على امطبخ وحطه في صينيه وجا وحطه وعطته رنود يلعب بدالها عشانها ملت وجلس تفطر وحنى نلعب وينزل ابوخلي وغدير ومنال يتطاردون في الصاله من مكان الى مكان اعفسوها وحطينا العب استارت وتجمعنى كلنا عند الفطور الي كله سندويتشات وعصيرات وجلسنا ناكل 
شيخوه :سلمانوه ياداشر وينك رايح صارلك اكثرمن ساعتين 
سلمان: رحت اجيب لكم فطور وانتو ميت واحد خذاله ساعتين وهو يزين السندويتشات 
نوير: انت من الساعه خمس رايح والحين صارة سبع 
سلمان :رحت اول وشريت شرطان بليستيشن ثم راحت اشتري لكم فطور 
شيخوه :وين جايب الفلوس منه 
سلمان :رايد معطينيها 
شيخوه :رايد وينك جايب الفلوس منه 
رايد :اكلي وحمدي ربس لازم تعرفين من وين مصدرها 
نوير :ايه يمكن تكون حرااام {وكل لحمن نبت من حرااام انار اولى به **
رايد :تطمنو ابوي معطيني 
انا :سلمانوه ويش لاشرطه الي شريت 
سلمان :شريت لكل وحده وواحد شريط وبنحطه هني عند مجود وكل ما تجمعنى لعبنا بها ويش رايكم ذكي صح 
رايد :الى غبي طفرتني ماجاك تباشر الى على احسابي 
سلمان :انوري هي الي موصتني 
انا :وشريت لي 
سلمان : شريت لس مصارعه والنوري شريط فيفا الستريت ومها نيد فورسبيد وريم قراند ووشريت بولي ومغمرات كراش وسايمس ألى وين ندى هي تحبه 
انا :راحت تغمد من بعد صلاة الفجر 
سلمان ويش نلعب الحين 
انا : اكيد مصارعه
مهوي :لاسيارات 
لميوه :كراش 
سلمان :لابنلعب كوره 
ريموه :لا قراند 
ابوخلي :لا خلونا مطارده 
كلنا طالعناه بستغراب ويش دخل المطارده 
ابوخلي :ويش فيكم كنكم اول مره تسمعون بذاه الاسم ولاكني شاتمكم 
حمود :ماتقول ويش دخل المطارده 
ابوخلي يرقع :عادي انا قصدي من الي بيلعب معي مطاااارده فهمتو
مهوي :صدقناك 
وقام وراح طفى كل انوار البيت وسكر كل شي وسكر الستاير حقت البيبان والدرايش وصار البيت ضلماء كنا في اليل بس الي مسفر نور التي في وراح يتطارد ويا خواته منال وغدير وريموه اعجبتها العبه وربطت اطراف عبايتهل من تحت على خصرها وسوت لفه عشان البيت صار ضلمه بس الي يجي قدام التي في الي نقدر نشوفه وراحت وراهم 
وحنى نفطر ــــــــــــــــــــــــــــــ
رنود :اما ن ذا البزران ازعاج 
مشاري :قصدس ذا الشيبان نسيت ابوخلي وريموه هاذي كلها دبكتهم 
شيخوه :ريموه انطمي لاتقومين جدتي 
مهوي :والله لاتشوف المزبله الي احنى جالسين فيها ان تذبحنا 
حمود :ابوخلي انثبر لاتقوم امي تراها راقد الساعه 2 وتعبانه
وشوي الى وحمني داخل مع باب المطبخ وجا مسرع ووقف عندنا وقال 
حمني بعصبيه:العن امكم مجمعين وانا ادوركم ..الكل امبهت
شيخوه بعصبيه :الله **** امك انت ليه تجيبك 
حمني :والله لاعلم امي عليس وين خوخه 
لميوه :راقد يالله ارجع لبيتكم
حمني :عطوني سندويشه
انا :لوا فارق ليبتكم 
حمني :وابي عصير بعد انا مافطرت 
وتعطيه انوير الباقي منها وجلس ياكل وكان معه جوال 
اكيد جوال احد ماخذه ذالعله 
نوير : حمني من ذاه جواله الي معك 
حمني وثمه مليان اكل :حقي
نوير :كذاب من وين ماخذه 
حمني بنفس الحاله :شاريه لي خالي 
نوير :من 
حمني العن من الحاله الي قبل :خالي يوسف 
نوير :بلاك قرفته ماخليت عنده جوال ماحرقته 
وخذيت الجوال انا منه وجالست اشوف ويش فيه
شفت الاسماء 
امي الحبيبه ....
ابوي الغالي ...
خالي العزيز ....
عمي العله ....
شيخه الأميره .... مدري وين تركب
نور الشمس .... يعني نوير 
البقاله ......
الدريول ماني ....
والمقاطع كلها رسوم واغاني رسوم وحتى الصور كلها رسوم قرفني وكله العاب 
وعطيته اياه وخذاه بعد ماخلص اكله ودعس يلعب معابوخلي وريموه ومنال وغدير الي اقلبو الصاله وعفسوها وحنى خلصنا اكل وجلسنانصف عند التي في ونص على الكنب 
وجات ريموه فاحه من التعب وجلست وحطت رجليها على الطاوله واول ماحطتها قال 
حمود بستغراب :ريم ليه لابسه شحاطه زرقا ولبسس لونه اصفر مع وردي 
ريموه يستغراب اكثر :وين الوردي 
حمود :هاذاهو ... ويشر على بنطال ريموه من تحت كان فيه خط صغير وردي موب واضح مدري كيف شافه واليت مسكر ريموه تورطت ودخلت رجلها بسرعه تحت الطاوله 
شيخوه : هب عليك كيف شفته وهي صارلها ساعه معنى فوق وفي النور ماشفنا شي 
حمود :حتى انتي 
شيخوه :ويش فيني 
حمود :لابسه عبايه فيها احمر وطرحتس اخطوطها زرقا
شيخوه وهي متورطه :ااااايه لبستها وانا مستعجله 
رنود :ابوخلي ولع اليتات ترا الكهرب بلاش 
ابوخلي :ادري 
رنود :اجل ليش مطفيها فقع اعيونا التي في 
ابوخلي : عشان نقدر نلعب مطارده 
حمود :ياويلك لاتزعج امي 
وراح يكمل لعبه هو والبزران وراحت ريموه تلعب معهم ورايد ومشاري ومجود ونوير ومهوي وانا وشيخوه وحمود نلعب مصارعه وتكفيخ وتبكيس وانواع الشتايم وانا كل شوي لاشعورين باقس رايد الي ابعد منا من كثرمانبقسه 
وفي غمرة اندماجنا والعب والتشجيع والتكفيخ والعن والسب والضحك والوناسه والدموع مدر ليه بس كان فيه دموع وحنى كل واحد ماسك جهازه بيديه ورجله 
ــــــــــــــــــــــــــــــــــــــــــــــــــ ــ؟؟؟ فجئه؟؟؟ ــــــــــــــــــــــــــــــــــــــــــ

طااااااااااااااااااااااااااااااااااااااااااااااااا اااااااااار التي في 
على وراء وطاح على الارض ورما ذيك الرميه 
ــــــــــــــــــــــ بووووووووووووووووووووووووووووم ـــــــــــــــــــ
واول مارما كلنا قمنا وجلسنا نتصادم في بعض والكل يبي ينحاش وذاه يدعم ذاه وذاك واطي ذاه ورنود ونوير ولميوه ومنال وغدير انحاشو فوق وابوخلي اول مابطل الباب حق الحريم طاح على راسه الصطل حق الماي الي كان حاطه لشغاله وطلع وطلعنا كلنا وراه رايد طلع يقول بيروح للمسبح ابرك له ومشاري دز لبيتهم وشيخوه وحمني انحاشو لبيتهم بعد وحمود ومجود راحو ودخلو في المجالس وانا وريموه رحنى لبيتنا واول ماوصلنا لقينا ابوخلي معنى 
وحنى عند الباب حق البيت 
انا :خير لك وجه بعد جاي 
ابوخلي وكله ماي :والله موب انا الي طرحت التي في 
انا :خير المطلوب 
ابوخلي :بدخل معكم 
انا :لا روح ارقد في المجلس 
ابوخلي:لالامستحيل تبين مشيعل يذبحني 
ريموه :خلاص خليه حرام 
انا :والله لاسمعلك حس داخل ذبحتك تراني ادري فيك ازعاج 
ابوخلي:لاتطمني موب مزعجكم برقد عندكم 
انا :خلاص يالله ادخل بشويشوي عشان محد يشوفنا 
ابوخلي :وخير اذاشافوكم جاين من بيت جدتكم 
انا :ادري جاين من بيت جدتنا بس ليش جاين 
ابوخلي:منحاشين بعد جريمه سويتوه 
ريموه :يعني 
ابوخلي :اذا احد صادكم الحين وفي نفس الساعه الي صارة فيها الجريمه بيدري انكم انتو الي مسوين جريمه الي صارة في نفس الوقت 
انا :هاذا انت ذكي ليه تستعبط 
ريموه :خلاص يالله ندخل 
ودخلنا بشويش ورحنا فوق بعد بشويش ونمشي على روس اصابعنا حتى انا حافيه نسيت شحاطي هناك يليل اكيد بتورط انا ورقينا فوق واول مادخلت غرفتي لقيت ندوي الخايسه راقده وهنود العبيطه راقده على سريري ؟؟وين ارقد الحين اقومها اطردها ولاويش اسوي ؟؟؟ 
وريموه وابوخلي راحت لغرفتها وسكرة الباب ورحت لهم 
انا :ريموه بترقدين الحين 
ريموه :لا بلعب انا وابوخلي بليستيشن 
انا :خليني ارقد في غرفتس الحقيره هنود راقده على سريري 
ريموه :لاواله وانا اتشرد 
انا :انتي عادي عندس ارقدي في غرفت الحريم 
ريموه :لاموب عادي ارقدي عندي على الكنبه 
انا :لوني ابي ارقد على الكنب كان رقدت في غرفتي 
ابوخلي :خلاص روحي ارقدي عن خالتي 
انا :اقول انطم 
ريموه :خلاص انا وابوخلي بنرقد في في الغرفه الفاضيه وانتي ارقدي في غرفتي وياويلس لاتقفلين الباب 
انا :موب قافلته 
ريموه :اوكى خلاص 
وخذة ريموه مفرشها وراحت هي وابوخلي يجلسون في الغرف حقت الجلوس الي فوق وانا رقت في غرفت ريموه الي كنها زباله كل شي معفوس والساعه كانت 8 ونص وماقدرت ارقدمن ازعاج ريموه وابوخلي ....بس النعاس خلاني ارقد غصب و قعدت الساعه 5 الليل حصلت ريموه طايحه على الاب توب وندوي بعدها راقده والبزران كلهم عندنا يلعبون مع نصور 
انا : ريموه وين امي 
ريموه : وعليكم السلام 
انا : ترا مالي مزاج 
ريموه : راحت لبيت عمي ناصر 
انا : ليه 
ريموه : عندهم عزيمه 
انا : لمن 
ريموه : لم طلال 
انا : رجعت 
ريموه : شرايس 
انا : مالت عليس باروح اللبس واروح لهم و لبست اللبس اللي نفس لبس رنود اللي كنت شاريته للحفله ورحت لبيت عمي ناصر
وحصلت البنات والبيت زحمه ضيوف جيت وسلمت على الحريم بس الشي الغريب هو ام طلال كانت كشخه ولا الابتسامه والترحيب مدري هي كذا من قبل ولا غارت من ام فارس المهم البيت ماكان فيه احد من عيال عمي عشان كذا خذينا راحتنا وحصلت رنود حسبي الله عليها لابسه لبسها اللي نفس لبسي بس كان عليها فله احلى منه علي عشان كذا ماكنت ابي البس انا وهي نفس اللبس المهم جلسنى في غرفه فوق لأن البيت تحت زحمه 
انا : رنود يمال المرض ليه تلبسينه 
رنود : الحمد الله وش البس 
انا : اللبس اللي عليس 
رنود : حد قالس اني شاريته عشان احطه في الدولاب 
انا : لا بس ما تلبسينه في اليوم اللي انا لابسه فيه لبسي 
رنود : انتي خبله بس مادريتي 
انا : لا 
رنود : انخطبت 
انا : لا تقولين بتوافقين مبعد شبعنا منس 
رنود : عاد موب ساله عن المعرس 
انا : الا من 
رنود : عبد المجيد 
انا : العن شكله خزس 
رنود : وش رايس 
انا : مدري فكري بس لا توافقين والله تونا ماشبعنا منس 
رنود : يقولون اذا وافقت بيكون الزواج في الصيف الجاي 
شرايكم بنات 
مهوي :انا قلت لس عبد المجيد ما يتفوت 
شيخوه : وهي صادقه عبد المجيد لئطه 
رنود : مادري بستخير وبشوف ابوي يقول اخذي راحتس فكري على راحتس 
هنود : بس قهر ما شبعنا منس توس جايه ماصرلس السبوعين وتنخطبين 
مهوي : شفتي شلون وانا اللي عندكم من ربي خلقني محد هان عليه يخطبني على الا قل صدقه 
نوير : شلون صدقه 
مهوي :يعني يخطبني ويوصني ما وافق عشان احس اني بنت مثل باقي البنات 
شيخوه : ياحرام كسرتي خاطري خلاص شرايس في اخوي يوسف 
مهوي : لا يوسف موب حلو ابي رشود 
الكل: هههههههههههههههههههههههههههه
شيخوه : طرار ويتشرط 
لميوه : بنات بكره ولا بعد بيجون بنات للوش ويتعشون هنا 
انا : انشاءلله بترزين وجهس 
لميوه : للوش تقول تعالو تعشو معنى 
انا : استحي على وجهس مالت عليس مغسول بمرق 
لميوه : اف وش قلت وبعدين وين المشكله 
انا : ياغبيه بناتها من زمان ماشافوها يعني بيجلسون على راحتهم 
المهم شوي ورحنى نتعشى ورجعنى نجلس فوق 
رنود : كنه ملل اليوم 
شيخوه : لا عادي 
انا : امداس تملين 
رنود : نفسي اسوي اكشن 
هنود : خلاص خلى نكتشف من اللي في البطانيه 
لميوه : على ماذ اكر انا شاكين انه طليل 
انا : لا طلع الحريق اللي في صدر طلال من فارس 
لميوه : عرفتو واقولها السالفه لأن منجينا من المزرعه ماجات فرصه اقول للبنات 
رنود : بنات بس فارس كيف حرق صدر طلال و لا ليه 
انا : والله ماتوقعت فارس بذا الخبث 
شخوه : انزين كيف نعرف اجل 
لميوه : خلاص انا عندي خطه نعرف ليه فارس حرق طلال وانكان طلال يعرف اللي في البطانيه
ندوي : اول مره تخطط لميوه 
رنود : وكيف نعرف من طلال اللي نبي 
انا : مايبيله الله يسلمس روحي حققي معه 
رنود : لالالالالا مستحيل وش بيقول عني 
مهوي : افا واحنى معينينس اناطق الرسمي باسم الشله 
رنو د: بنات احراااج وش اقوله 
لميوه : بنهدده ونقول بنعلم عليك انك كنت في البطانيه وبيتورط وبيعترف انه من فارس وبذا الطريقه نعرف وش فيه 
نوير : عاد احنى وش دخلنى بينه وبين اخوه ووش دخلنى في الحريق واصلا ليه نعرف شي مالنا دخل فيه 
رنود : هي صادقه بنات والله مالنا داعي
شيخوه : لا والله ابي اعرف من الي دخل في الخيمه ودعمني لازم اعرف 
رنود : بنات ماقدر الروح احقق معه 
انا : خلاص بنراسله على الموبايل 
ريموه : وش درانا ببلوتوثه ولا نتورط بعد 
انا : براسله اس ام اس 
شيخوه : وين رقمه 
انا : عندرنود صح رنود 
رنود : بنات حرام عليك بعدين يوم سمعناه يكلم صديقه كان يقول ان عنده فيديو حق ليلو ه
انا : ياليل نسيت التسجيل ضنكم صادق عنده تسجيل 
شيخوه : وش حاده يقول لصديقه 
مهوي : تدرون احس ها الولد عند بلاوي ولا من الي يراقب غرفته بكميرات 
ريموه : بس تراه حقير ولا فيه احد يشكي بنات عمه على الغريب 
رنود : بنات حرام عليكم ماعنده احد يشكي له لمن تبونه يشكي امه عند اهلها وفيها اللي كافيه على قولته وابوه زعلان عليه وعيال عمه يشكي لهم من خواتهم 
لميوه : كان شكى لجدي 
انا : بنات ليكون هو الي يشكي لجدي ذيك المره 
شيخوه : ليه ذاك موب فارس 
انا : وش دراكم انه فارس ليش موب طلال 
مهوي : معقوله يكون فارس شري الى هاذي الدرجه ويكون طلال هو الطيب 
مهوي : لا لايمنك نكون اغبيا وفارس هو الشرير وطلال الطيب كل تصرفات طلال تدل على انه شري اما فارس تصرفاته تدل على انه طيب 
ريموه : ليه مايكونو الثنين شريرين 
انا : يعني لا اهدده 
رنود : ثم يفضحس احسن لس ارتاحي مدامه نسى الموضوع 
مهوي : خلاص انا اللي براسله وبهدده وانتي وش دخلس وكنس ما تدري وتونا نسولف جات الخدامه تقول معاد فيه احد تحت ونزلنا مافيه الا اهلي وجلسنى معهم وكانو البنات يسولفون ومع الحريم وانا كنت افكر في الفيديو اللي عند طليل واخيرا جاتني فكره بما ان لبسي نفس لبس رنود بلبس شال واروح غرفت طلال وادور الفيديو واذا صورني عادي الي يشوف الفيديو بيقول رنود وعادي رنود عمته وش فيها اذا راحت لغرفته ورحت على اساس اني باروح للحمام وطلعت فوق وانا طبعا ادل غرفت طلال ورحت للغرفه وبطلتها شوي شوي ودخلت وسكرت الباب طبعا طلال مستحيل يجي الحين المهم الغرفه مجدده وصايره تجنن لونها برتقالي مع بني روعه طبعا الشال كنت لافته ومدنقه حتى الكميرات ما تاخذ صورتي صح 
المهم بديت ادور في الدروج والدولاب وانا ادورفي الدرج اللي فوق وتطيح علي وزن حق عضلات على رجلي واقعد على الكنبه اتألم وينفتح وانا جالسه ومعطته قفاي وكني انشليت الحين طلال وش بيقول عني